ಅಬ್ಬಾ ಮಳೆ ಸಾಕಾಯ್ತು ಚಳಿ ಯಾವಾಗ ಎನ್ನುವವರಿಗೆ ಇಲ್ಲಿದೆ ಉತ್ತರ

ಬೆಂಗಳೂರು: ರಾಜ್ಯದಲ್ಲಿ ಈ ಬಾರಿ ಸಾಕಷ್ಟು ಪ್ರಮಾಣದಲ್ಲಿ ಮಳೆಯಾಗಿದೆ. ಅಕ್ಟೋಬರ್ ಬಂದರೂ ಮಳೆ ನಿಲ್ಲುತ್ತಿಲ್ಲ. ಮಳೆ ಸಾಕಾಯ್ತು ಚಳಿ ಯಾವಾಗ ಶುರುವಾಗುತ್ತದೆ ಎನ್ನುವವರಿಗೆ ಇಲ್ಲಿದೆ ಉತ್ತರ.

ಈ ಬಾರಿ ಬೇಗನೇ ಆರಂಭವಾಗಿದ್ದ ಮಳೆಗಾಲ ಅಕ್ಟೋಬರ್ ಅಂತ್ಯಕ್ಕೆ ಬಂದರೂ ಮುಗಿದಿಲ್ಲ. ಮೊದಲೇ ಹವಾಮಾನ ಇಲಾಖೆ ಈ ವರ್ಷ ಭಾರೀ ಮಳೆಯಾಗಲಿದೆ ಎಂದು ವರದಿ ನೀಡಿತ್ತು. ಅದರಂತೆ ಈಗಲೂ ಮಳೆಯಾಗುತ್ತಲೇ ಇದೆ. ಹಾಗಿದ್ದರೆ ಕರ್ನಾಟಕದಲ್ಲಿ ಚಳಿಗಾಲ ಶುರುವಾಗೋದು ಯಾವಾಗ?

ಈ ವರ್ಷ ನವಂಬರ್ ತಿಂಗಳಿನಿಂದ ನಿಧಾನವಾಗಿ ಚಳಿಯ ವಾತಾವರಣ ಶುರುವಾಗಲಿದೆ ಎಂದು ಹವಾಮಾನ ವರದಿಗಳು ಹೇಳುತ್ತಿವೆ. ಈ ವರ್ಷ ಡಿಸೆಂಬರ್ ನಿಂದ ಫೆಬ್ರವರಿಯವರೆಗೆ ಚಳಿಗಾಲದ ಗರಿಷ್ಠ ಸಮಯವಾಗಿರುತ್ತದೆ ಎನ್ನಲಾಗಿದೆ.

ಈ ಬಾರಿ ಚಳಿಗಾಲವೂ ವಿಪರೀತ ಎನ್ನುವ ಸ್ಥಿತಿಗೆ ತಲುಪಬಹುದು ಎಂದು ಹವಾಮಾನ ವರದಿ ಹೇಳುತ್ತಿದೆ. ವಿಶೇಷವಾಗಿ ಉತ್ತರ ಭಾರತದಲ್ಲಿ ಉಷ್ಣತೆ ದಾಖಲೆಯ ಕನಿಷ್ಠ ಮಟ್ಟಕ್ಕೆ ತಲುಪುವ ಸಾಧ್ಯತೆಯಿದೆ.ಇನ್ನೂ ಒಂದೆರಡು ವಾರ ಮಳೆ ಮುಂದುವರಿಯಲಿದ್ದು ಅದಾದ ಬಳಿಕ ವಾತಾವರಣದಲ್ಲಿ ಗಮನಾರ್ಹ ಬದಲಾವಣೆಯಾಗುವ ಸಾಧ್ಯತೆಯಿದೆ.