ಹವಾಮಾನ ವರದಿಯಲ್ಲಿ ಬರೋ ಆರೇಂಜ್, ಯೆಲ್ಲೊ, ರೆಡ್ ಅಲರ್ಟ್ ಗಳೆಂದರೆ ಏನು.?

ಬೆಂಗಳೂರಿನಲ್ಲಿ ಮಳೆ ವಾತಾವರಣ ಮುಂದುವರಿಯಲಿದ್ದು, ಯೆಲ್ಲೋ ಅಲರ್ಟ್ ನೀಡಲಾಗಿದೆ ಎಂಬ ವಾಕ್ಯವೊಂದನ್ನು ನೀವು ಹವಾಮಾನ ವರದಿಗಳಲ್ಲಿ ಓದಿರುತ್ತೀರಿ. ಇದೇನಿದು ಬಣ್ಣಗಳಲ್ಲಿ ವಿಂಗಡಿಸಿರುವ ಎಚ್ಚರಿಕೆಗಳು? ಕೆಂಪು, ಹಳದಿ, ಕಿತ್ತಳೆ ಬಣ್ಣದ ಎಚ್ಚರಿಕೆಗಳೆಲ್ಲ ಏನನ್ನು ಸೂಚಿಸುತ್ತವೆ. ಇಲ್ಲಿದೆ ಸಂಕ್ಷಿಪ್ತ ಮಾಹಿತಿ.ಏನದು ಗ್ರೀನ್ ಅಲರ್ಟ್?

ಗ್ರೀನ್ ಅಲರ್ಟ್ ಅಡಿಯಲ್ಲಿ ಬರುವ ಜಿಲ್ಲೆಗಳಲ್ಲಿ ಮಳೆಯ ಮುನ್ಸೂಚನೆ ಇರುವುದಿಲ್ಲ. ಇಲ್ಲೆಲ್ಲ ವಾತಾವರಣ ಸಹಜವಾಗಿಯೇ ಇರುತ್ತದೆ.

ರೆಡ್ ಅಲರ್ಟ್

ರೆಡ್ ಅಲರ್ಟ್ ನ ಸೂಚನೆ ಹೊಂದಿರುವ ಪ್ರದೇಶಗಳು ಅಪಾಯಕಾರಿ ಹಂತದಲ್ಲಿರಲಿದೆ. 130 ಕಿ.ಮೀ. ವೇಗದ ಗಾಳಿ, ಗುಡುಗು ಸಹಿತ ಭಾರೀ ಮಳೆ ಇರಲಿದೆ. ಅಂತಹ ಪ್ರದೇಶಗಳಿಗೆ ಚಂಡಮಾರುತದ ಮುನ್ಸೂಚನೆ ಕೊಡಲಾಗುತ್ತದೆ.

ಯೆಲ್ಲೋ ಅಲರ್ಟ್

ಯೆಲ್ಲೋ ಅಲರ್ಟ್ ಘೋಷಣೆ ಪಡೆದಿರುವ ಜಿಲ್ಲೆಗಳಲ್ಲಿ 7.5 ರಿಂದ 15 ಮಿಮೀ ವರೆಗೆ ಭಾರೀ ಮಳೆಯಾಗುವ ಸೂಚನೆ ಇರಲಿದೆ. ಜೊತೆಗೆ ಈ ಮಳೆ 2 ಗಂಟೆಗಿಂತ ಹೆಚ್ಚು ಕಾಲ ಸುರಿದರೆ ಪ್ರವಾಹ ಉಂಟಾಗಬಹುದು. ಹಾಗಾಗಿ ಜನರನ್ನು ಜಾಗೃತಗೊಳಿಸಲು ಈ ಅಲರ್ಟ್ ಘೋಷಿಸಲಾಗುತ್ತದೆ.

ಆರೇಂಜ್ ಅಲರ್ಟ್

ಇದು ಯೆಲ್ಲೋ ಅಲರ್ಟ್ ಗಿಂತ ಹೆಚ್ಚು ಪರಿಣಾಮಕಾರಿಯಾಗಲಿದೆ. ಆರೆಂಟ್ ಅಲರ್ಟ್ ಇರುವ ಜಿಲ್ಲೆಗಳಲ್ಲಿ ಚಂಡಮಾರುತ ಜನಜೀವನ ಹದಗೆಡಿಸುವಂತದ್ದಾಗಿರಬಹುದು. ಈ ಪ್ರದೇಶದಲ್ಲಿ ಆಸ್ತಿ ನಷ್ಟವಾಗುವ ಸಾಧ್ಯತೆ ಇರಲಿದೆ.ಹಾಗಾಗಿ ಮಳೆಯ ಸಂದರ್ಭದಲ್ಲಿ ಜನರಿಗೆ ಸುರಕ್ಷಿತ ಸ್ಥಳಗಳಲ್ಲಿ ಇರಲು ಹೇಳಲಾಗುತ್ತದೆ. ಕೆಲವು ಕಡೆ ಪ್ರವಾಹ ಭೀತಿಯಿಂದ ಮೀನುಗಾರರನ್ನು ಸಮುದ್ರಕ್ಕೆ ಇಳಿಯದಂತೆ ಸೂಚಿಸಲಾಗುತ್ತದೆ.