ಮೋದಿ ಭಾವಚಿತ್ರವನ್ನು ಹಾಕುವುದಕ್ಕೆ ಪ್ರತ್ಯೇಕ ಸ್ಥಳವಿದ್ದರೂ ಆ ಭಾವಚಿತ್ರವನ್ನು ತಮ್ಮ ಅಧಿಕೃತ ಕೊಠಡಿಯ ಮೂಲೆಯಲ್ಲಿ ಹಾಕುವ ಮೂಲಕ ಆರೋಗ್ಯ ಸಚಿವ ಯು.ಟಿ.ಖಾದರ್ ಅವಮಾನ ಮಾಡಿದ್ದಾರೆಂದು ಹೇಳಲಾಗುತ್ತಿದೆ. ಕಾಂಗ್ರೆಸ್ ನಾಯಕರಿಗೆ ಮೊದಲಿಂದಲೂ ಮೋದಿ ಬಗ್ಗೆ ಇರುವ ದ್ವೇಷ ಭಾವನೆ ಇದಕ್ಕೆ ಸಾಕ್ಷಿಯೊದಗಿಸುತ್ತದೆ.
ಮೋದಿ ಎದುರಾಳಿ ಪಕ್ಷದವರಾಗಿದ್ದರೂ ಅವರು ರಾಷ್ಟ್ರದ ಪ್ರಧಾನಮಂತ್ರಿ ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕಾಗಿದೆ. ನರೇಂದ್ರ ಮೋದಿ ಅವರು ರಾಷ್ಟ್ರದ ಪ್ರಧಾನಿಯಾದ ಮೇಲೆ ಒಕ್ಕೂಟ ವ್ಯವಸ್ಥೆಯಲ್ಲಿ ಅವರನ್ನು ಗೌರವಿಸಬೇಕಾಗುತ್ತದೆ.
ಆದರೆ ನೆಹರೂ, ಇಂದಿರಾಗಾಂಧಿ ಅವರ ಭಾವಚಿತ್ರಗಳನ್ನು ದೊಡ್ಡ ಗಾತ್ರದಲ್ಲಿ ಹಾಕಿ ಮೋದಿ ಅವರ ಚಿಕ್ಕಗಾತ್ರದ ಭಾವಚಿತ್ರವನ್ನು ಮೂಲೆಯಲ್ಲಿ ಹಾಕಿರುವುದರ ಹಿಂದಿನ ಮರ್ಮವೇನು ಎಂದು ಆರೋಗ್ಯ ಸಚಿವರೇ ಉತ್ತರಿಬೇಕು.