ನಾಯಿ ಚರ್ಮಕ್ಕೆ ಹುಲಿ ಬಣ್ಣ ಬಳಿದು ವಂಚನೆ

ನಾಯಿ ಚರ್ಮಕ್ಕೆ ಹುಲಿ ಬಣ್ಣ ಬಳಿದು ಹುಲಿ ಚರ್ಮ ಎಂದು ಹೇಳಿ ಮಾರಾಟಕ್ಕೆ ಪ್ರಯತ್ನಿಸುತ್ತಿದ್ದ ಮೂವರನ್ನು ಮೈಸೂರಿನಲ್ಲಿ ಬಂಧಿಸಲಾಗಿದೆ.

ಕೇರಳ ಮೂಲದ ಸುಭಾಷ್, ಮೋಹನ್, ನಾಗರಾಜ್ ಬಂಧಿತ ಆರೋಪಿಗಳು.

ಮೈಸೂರಿನ ಜಗನ್ಮೋಹನ್ ಅರಮನೆ ಬಳಿ ಇವರು ಹುಲಿ ಚರ್ಮ ಮಾರಾಟ ಮಾಡುತ್ತಿದ್ದಾರೆ ಎಂಬ ಖಚಿತ ಮಾಹಿತಿ ಪಡೆದು ಅವರನ್ನು ಬಂಧಿಸಿದ ಮೈಸೂರು ಅರಣ್ಯ ಇಲಾಖೆ ಅಧಿಕಾರಿಗಳು ಪರಿಶೀಲನೆ ನಡೆಸಿದಾಗ ಅದು ಹುಲಿ ಚರ್ಮವಲ್ಲ ನಾಯಿ ಚರ್ಮವೆಂದು ತಿಳಿದು ಬಂದಿದೆ. ನಾಯಿ ಚರ್ಮ ಸುಲಿದು ಅದಕ್ಕೆ ಬಣ್ಣ ಬಳಿದು ಜನರನ್ನು ವಂಚಿಸುತ್ತಿದ್ದುದ್ದನ್ನು ಆರೋಪಿಗಳು ಸಹ ಒಪ್ಪಿಕೊಂಡಿದ್ದಾರೆ. 

ಈ ಮೂವರು ಈ ರೀತಿಯಲ್ಲಿ ಅನೇಕ ಕಡೆ ಮೋಸ, ವಂಚನೆ ಎಸಗಿದ್ದಾರೆ ಎಂದು ಅನುಮಾನ ವ್ಯಕ್ತಪಡಿಸಿರುವ ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ.