ಗಗನಕ್ಕೇರಿದ ಟೊಮ್ಯಾಟೊ ಬೆಲೆ

ಜನರಿಗೆ ವಿದ್ಯುತ್ ಬಿಲ್, ವಾಟರ್ ಬಿಲ್ ಶಾಕ್ ಬೆನ್ನಲ್ಲೇ ಬೆಲೆ ಏರಿಕೆ ಹೊಡೆತ ಬಿದ್ದಿದೆ. ದಿನೇ ದಿನೆ ತರಕಾರಿ ಬೆಲೆ ಹೆಚ್ಚಾಗುತ್ತಿದ್ದು, ಟೊಮ್ಯಾಟೊ ರೇಟ್ 100ರ ಗಡಿ ದಾಟಿದೆ. ಕಳೆದ ವಾರ 30-40 ರೂಪಾಯಿ ಇದ್ದ ಟೊಮ್ಯಾಟೊ ಬೆಲೆ, ದಿಢೀರನೇ ಶತಕದ ಗಡಿ ದಾಟಿದೆ. 15 ಕೆಜಿಯ 1 ಬಾಕ್ಸ್​ಗೆ ಟೊಮ್ಯಾಟೋ 1,000 ರೂಪಾಯಿಯ ಗಡಿ ದಾಟಿದೆ. ಭಾರೀ ಮಳೆ ಹಿನ್ನೆಲೆ ಕೇರಳ, ತಮಿಳುನಾಡು, ಒಡಿಶಾ, ಕೊಲ್ಕೊತಾ, ಛತ್ತಿಸ್‌ಗಡ ಹಾಗೂ ಬಾಂಗ್ಲಾದೇಶಗಳಿಂದ ಟೊಮ್ಯಾಟೊಗೆ ಬೇಡಿಕೆ ಹೆಚ್ಚಾಗಿದ್ದು, ಟೊಮ್ಯಾಟೊ ರೇಟ್ ಗಗನಕ್ಕೇರಿದೆ.