ಓಲಾ ಚಾಲಕನೊಬ್ಬ ಮೈಕೈ ಮುಟ್ಟಿ ಯುವತಿ ಜೊತೆ ಅಸಭ್ಯ ವರ್ತನೆ ತೋರಿದ ಆರೋಪ ಬೆಂಗಳೂರಿನ ಕೋರಮಂಗಲದಲ್ಲಿ ಕೇಳಿ ಬಂದಿದೆ. ಪ್ರಕರಣ ಸಂಬಂಧ ಆರೋಪಿ ಚಾಲಕ ರವಿಕುಮಾರ್ ಎಂಬಾತನನ್ನ ಬಂಧಿಸಲಾಗಿದೆ.
ರಾತ್ರಿ 2 ಗಂಟೆವರೆಗೆ ಬಾರ್`ನಲ್ಲಿ ಕೆಲಸ ಮಾಡಿದ ಯುವತಿ ಆಪ್ ಮೂಲಕ ಕ್ಯಾಬ್ ಬುಕ್ ಮಾಡಿದ್ದಾಳೆ. ಯುವತಿಯನ್ನ ಕರೆದೊಯ್ದ ಚಾಲಕ 2.40ರ ಸುಮಾರಿಗೆ ಕೊಪ್ಪ ರಸ್ತೆ ಬಳಿ ಬಂದ ಅಲ್ಲಿ ಕಾಮಗಾರಿ ನಡೆಯುತ್ತಿದೆ ಬೇರೆ ರಸ್ತೆಗೆ ಹೋಗಬೇಕೆಂದು ಕಾರು ನಿಲ್ಲಿಸಿ, ಹಿಂದೆ ನೋಡುವಂತೆ ಹೇಳಿ, ಎದೆ ಮತ್ತು ಮೈ ಕೈ ಮುಟ್ಟಿ ಅಶ್ಲೀಲ ವರ್ತನೆ ತೋರಿದ್ದಾನೆ ಎಂದು ಆರೋಪಿಸಲಾಗಿದೆ.
ಈ ಸಂದರ್ಭ ಯುವತಿ ಕಾರಿನಿಂದ ಇಳಿದು ಓಡಲಾರಂಭಿಸಿದಾಗ ಸ್ಥಳೀಯ ಕಟ್ಟಡ ಭದ್ರತಾ ಸಿಬ್ಬಂದಿ ನೆರವಿಗೆ ಬಂದಿದ್ದಾರೆ. ಭದ್ರತಾ ಸಿಬ್ಬಂದಿ ಕಂಡು ಓಲಾ ಚಾಲಕ ಪರಾರಿಯಾಗಿದ್ದಾನೆ. ಮತ್ತೊಂದು ಕ್ಯಾಬ್ ಬುಕ್ ಮಾಡಿ ಮನೆಗೆ ತೆರಳಿದ ಯುವತಿ ಮರು ದಿನ ದೂರು ದಾಖಲಿಸಿದ್ದಾಳೆ.
ಸ್ಥಳಕ್ಕೆ ಹೋದ ಬಳಿಕವೂ ಪಾನಮತ್ತ ಯುವತಿ ಇಳಿಯುವ ಬಗ್ಗೆ ಸೂಕ್ತವಾಗಿ ಹೇಳಲಿಲ್ಲ. ಈ ಸಂದರ್ಭ ಜಗಳ ನಡೆದು ಮೈಕೈ ಮುಟ್ಟಿದೆ ಎಂದು ಆರೋಪಿ ಹೇಳಿಕೊಂಡಿದ್ದಾನೆ.