ರೌಡಿಶೀಟರ್ ನಾಗ, ಪುತ್ರರಿಗೆ ಮತ್ತೆ 3 ದಿನ ಪೊಲೀಸ್ ಕಸ್ಟಡಿಗೆ

ರೌಡಿಶೀಟರ್ ನಾಗ ಮತ್ತು ಅವರ ಪುತ್ರರಿಗೆ ಕೋರ್ಟ್ ಮತ್ತೆ 3 ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ಒಪ್ಪಿಸಿದೆ.

ರೌಡಿಶೀಟರ್ ನಾಗ ಮತ್ತು ಆತನ ಪುತ್ರರಿಗೆ ಮೇ 25 ರವರೆಗೆ ಪೊಲೀಸ್ ಕಸ್ಟಡಿಗೆ ನೀಡಿ ಕೋರ್ಟ್ ಆದೇಶಿಸಿದೆ. ಕೋರ್ಟ್‌ನಿಂದ ಕಣ್ಣೀರಿಡುತ್ತಾ ಹೊರಬಂದ ನಾಗ ಪೊಲೀಸ್ ವಾಹನದಲ್ಲಿ ತೆರಳಿದ್ದಾನೆ.  

ರೌಡಿಶೀಟರ್ ನಾಗ ತಮ್ಮಿಂದ ಕೋಟಿ ಕೋಟಿ ರೂಪಾಯಿ ಸುಲಿಗೆ ಮಾಡಿದ್ದಾನೆ ಎಂದು ಉದ್ಯಮಿಗಳಾದ ಚಂದ್ರಕುಮಾರ್, ಮುನಿರಾಜು ಮತ್ತು ಕಲ್ಯಾಣ್ ಎನ್ನುವ ಉದ್ಯಮಿಗಳು ನಾಗ್ ವಿರುದ್ಧ ದೂರು ದಾಖಲಿಸಿದ್ದರಿಂದ ವಿಚಾರಣೆಗಾಗಿ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ ಎಂದು ಕೋರ್ಟ್ ಆದೇಶದಲ್ಲಿ ತಿಳಿಸಿದೆ.

ಉದ್ಯಮಿ ಮುನಿರಾಜು ಎನ್ನುವವರಿಗೆ ಕಾರಿನಲ್ಲಿ ಬಂದು ಪಿಸ್ತೂಲ್ ತೋರಿಸಿ 1. ಕೋಟಿ 75 ಲಕ್ಷ ರೂಪಾಯಿಗಳನ್ನು ವಂಚಿಸಿದ್ದಾನೆ 

2016 ಡಿಸೆಂಬರ್ 25 ರಂದು ಉದ್ಯಮಿ ಚಂದ್ರಕುಮಾರ್ ರಿಂದ 2.5 ಕೋಟಿ ವಂಚನೆ ಮತ್ತು ಕಲ್ಯಾಣಿಯಿಂದ 3.5 ಕೋಟಿ ವಂಚಿಸಿದ್ದಾನೆ ಎಂದು ದೂರಿನಲ್ಲಿ ದಾಖಲಿಸಲಾಗಿದೆ.

ರೌಡಿಶೀಟರ್ ನಾಗ, ಪುತ್ರ ಶಾಸ್ತ್ರಿ ಮತ್ತು ಸಹಚರ ಶರವಣ ವಿರುದ್ಧ ಮತ್ತೆ ಮೂರು ಎಫ್‌ಐಆರ್ ದಾಖಲಾಗಿವೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.