ಕಾವೇರಿ ನದಿಯಿಂದ ತಮಿಳುನಾಡಿಗೆ ನೀರು ಬಿಡುವಂತೆ ದಯವಿಟ್ಟು ಹೇಳಬೇಡಿ ಸಾರ್ ಎಂದು ಕೇಂದ್ರ ತಂಡದ ಮುಂದೆ ಜಲ ಸಂಪನ್ಮೂಲ ಸಚಿವ ಎಂ.ಬಿ.ಪಾಟೀಲ್ ಅಲವತ್ತುಕೊಂಡಿದ್ದಾರೆ.
ಕಾವೇರಿ ನದಿಯಿಂದ ತಮಿಳುನಾಡಿಗೆ ನೀರು ಬಿಡಿ ಎಂದು ದಯವಿಟ್ಟು ಹೇಳಬೇಡಿ. ನಾವು ನಿಮ್ಮ ಮುಂದೆ ಯಾವುದನ್ನು ಮುಚ್ಚಿಟ್ಟಿಲ್ಲ. ನಾವು ಕುಡಿಯಲು ನೀರಿಲ್ಲ ಎಂದು ಪರದಾಡುತ್ತಿದ್ದೇವೆ. ಕಾವೇರಿಯಿಂದ ಹರಿದು ಹೋದ ನೀರು ವಾಪಸ್ ಆಗಲ್ಲ. ನಮ್ಮ ಕಷ್ಟ ಅರ್ಥ ಮಾಡಿಕೊಳ್ಳಿ ಎಂದು ಕೇಂದ್ರ ತಂಡದ ಮುಂದೆ ಸಚಿವರು ಮನವಿ ಮಾಡಿಕೊಂಡಿದ್ದಾರೆ.
ಜಲ ಸಂಪನ್ಮೂಲ ಸಚಿವ ಎಂ.ಬಿ.ಪಾಟೀಲ ಮನವಿಗೆ ಸಾಥ್ ನೀಡಿದ ನಿವೃತ ಸಿಎಸ್ ಅರವಿಂದ್ ಜಾಧವ್, ನಾವು ನೀಡಿದ ಮಾಹಿತಿಯಿಂದ ಸಾಕ್ಷಾತ್ ದರ್ಶನ ನಿಮಗಾಗಲಿದೆ ಎಂದು ಹೇಳಿದರು.
ಸುಪ್ರೀಂಕೋರ್ಟ್ ಸೂಚನೆಯಂತೆ ಉಭಯ ರಾಜ್ಯಗಳಲ್ಲಿನ ನೀರನ ಲಭ್ಯತೆ ಕುರಿತು ಪರಿಶೀಲನೆ ನಡೆಸಲು ಕೇಂದ್ರದ ತಂಡ ಕಾವೇರಿ ಜಲಾನಯನ ಪ್ರದೇಶಕ್ಕೆ ಆಗಮಿಸಿದೆ. ಈ ವೇಳೆ ನೀರುಬಿಡಿ ಎಂದು ದಯವಿಟ್ಟು ಹೇಳಬೇಡಿ ಸಾರ್ ಎಂದು ಸಚಿವರು ಮನವಿ ಮಾಡಿಕೊಂಡರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ