‘ಹೊಂಬಾಳೆ ಫಿಲ್ಮ್ಸ್’ RCB ಜೊತೆ ಹೊಸ ಸಾಹಸ

ಭಾರತೀಯ ಚಿತ್ರರಂಗದಲ್ಲಿ ಪ್ರತಿಷ್ಠಿತ ಸಿನಿಮಾ ನಿರ್ಮಾಣ ಸಂಸ್ಥೆಯಾಗಿ ಬೆಳೆದಿರುವ ‘ಹೊಂಬಾಳೆ ಫಿಲ್ಮ್ಸ್ ’ಈಗ ಹೊಸ ಹೆಜ್ಜೆ ಇಟ್ಟಿದೆ. ‘ಕೆಜಿಎಫ್:ಚಾಪ್ಟರ್ 2’, ‘ಸಲಾರ್’ ಮುಂತಾದ ಪ್ಯಾನ್ ಇಂಡಿಯಾ ಚಿತ್ರಗಳನ್ನು ನಿರ್ಮಾಣ ಮಾಡಿದ ಹೆಗ್ಗಳಿಕೆ ಈ ಸಂಸ್ಥೆಯದ್ದು. ನಿರ್ಮಾಪಕ ವಿಜಯ್​​​ ಕಿರಗಂದೂರ ಅವರು ಇಡುತ್ತಿರುವ ಎಲ್ಲ ಹೆಜ್ಜೆಗಳೂ ಕೂಡ ಹೊಸ ಮೈಲಿಗಲ್ಲನ್ನು ಸೃಷ್ಟಿಮಾಡುತ್ತಿವೆ. ‘ರಾಯಲ್​​ ಚಾಲೆಂಜರ್ಸ್ ಬೆಂಗಳೂರು’ ತಂಡದ ಜೊತೆ ‘ಹೊಂಬಾಳೆ ಫಿಲ್ಮ್ಸ್’ ಕೈಜೋಡಿಸಿದೆ. ಈ ಕುರಿತು ಸೋಶಿಯಲ್ ಮೀಡಿಯಾ ಮೂಲಕ ಮಾಹಿತಿ ಹಂಚಿಕೊಳ್ಳಲಾಗಿದೆ. ಮನರಂಜನೆಯ ಹೊಸ ಯುಗದ ಆರಂಭ ಆಗುತ್ತಿದೆ’ ಎಂದು ಪೋಸ್ಟ್​​ ಮಾಡುವ ಮೂಲಕ ಹೊಂಬಾಳೆ ಫಿಲ್ಮ್ಸ್ ಸಂಸ್ಥೆ ಕೌತುಕ ಮೂಡಿಸಿತ್ತು. ಐಪಿಎಲ್ ಕ್ರಿಕೆಟ್ ಟೀಂ ಜೊತೆ ಸಿನಿಮಾ ನಿರ್ಮಾಣ ಸಂಸ್ಥೆ ಕೈಜೋಡಿಸಿರುವುದು ಇದೇ ಮೊದಲು . ಆ ಮೂಲಕ ಹೊಸ ಬಗೆಯ ಮನರಂಜನೆಯನ್ನು ನೀಡಲು ವಿಜಯ್​​​ ಕಿರಗಂದೂರ ಅವರು ಪ್ಲ್ಯಾನ್​ ಮಾಡಿದ್ದಾರೆ.