ಸಾವಿನಲ್ಲೂ ಒಂದಾದ ತಾಯಿ- ಮಗ

ಅಮ್ಮ.. ಈ ಪದಕ್ಕೆ ಸಮನಾದ ಪದ ಇನ್ಯಾವುದು ಇಲ್ಲ. ಈ ಸಂಬಂಧಕ್ಕಿಂತ ಹಿರಿದಾದ ಸಂಬಂಧವೂ ಇಲ್ಲ. ತನ್ನ ಕರುಳ ಕುಡಿಗಾಗಿ ಏನನ್ನು ಮಾಡಲು ಬೇಕಾದರೂ ತಾಯಿ ತಯಾರಾಗಿರುತ್ತಾಳೆ. ತನ್ನ ಜೀವನವನ್ನೆಲ್ಲ ತಾನು ಹೆತ್ತ ಮಗುವಿಗಾಗಿಯೇ ಮೀಸಲಾಗಿಡುತ್ತಾಳೆ. ಇಂತಹ ತಾಯಿ ತನ್ನ ಮಕ್ಕಳ ಸಾವನ್ನು ಕಣ್ಣಾರೆ ಕಾಣಲು ಅಪೇಕ್ಷಿಸುತ್ತಾರಾ? ಯಾವ ಪೋಷಕರು ಇದನ್ನು ಬಯಲಾರರು. ಅದನ್ನು ಸಹಿಸಿಕೊಳ್ಳುವ ಶಕ್ತಿ ಹೊಂದಿರಲಾರರು. ದುರದೃಷ್ಟವಶಾತ್ ಆ ತಾಯಿಗಾಗಿದ್ದು ಅದೇ. 

ಆಕೆಯ ಕಣ್ಣ ಮುಂದೆಯೇ ಮಗ ಸಾವನ್ನಪ್ಪಿದ್ದ. ಅದನ್ನು ಕೇಳಿದ ಕೂಡಲೇ ತಾಯಿ ಕೂಡ ದುರ್ಮರವನ್ನಪ್ಪಿದ್ದಾಳೆ. ಈ ಹೃದಯವಿದ್ರಾವಕ ಘಟನೆ ನಡೆದಿರುವುದು ಹಾವೇರಿ ತಾಲ್ಲೂಕಿನ ಹಾವನೂರು ಗ್ರಾಮದಲ್ಲಿ ನಡೆದಿದೆ. ಪರಿಮಳಾ ಕಮ್ಮಾರ( 75) ಮೃತ ವೃದ್ಧೆ.

ಪ್ರಮೀಳಾ ಪುತ್ರ ಮೌನೇಶ್ ಕಮ್ಮಾರ (38) ಹಲವು ದಿನಗಳಿಂದ ಕಾಮಾಲೆಯಿಂದ ಬಳಲುತ್ತಿದ್ದು ಹುಬ್ಬಳ್ಳಿಯ ಕಿಮ್ಸ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಗುರುವಾರ ಸಾವನ್ನಪ್ಪಿದ್ದಾರೆ. ಈ ಸುದ್ದಿ ಕೇಳುತ್ತಿದ್ದಂತೆ ತಾಯಿ ಕೂಡ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ. 

ಒಂದೇ ದಿನ ಇಬ್ಬರನ್ನು ಕಳೆದುಕೊಂಡ ಪರಿವಾರದವರ ಆಕ್ರಂದನ ಮುಗಿಲು ಮುಟ್ಟಿದೆ. ಇಂದು ಸ್ವಗ್ರಾಮದಲ್ಲಿ ಮೃತರ ಅಂತ್ಯ ಸಂಸ್ಕಾರ ನಡೆಯಲಿದೆ. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ