ಪುತ್ರನ ಪುಂಡಾಡಕ್ಕೆ ತಾಯಿಗೆ ಥಳಿತ, ಮುಖಕ್ಕೆ ಕಪ್ಪುಮಸಿ

ಪುತ್ರ ಪುಂಡಾಟ ಮಾಡಿದನೆಂದು ತಾಯಿಯ ಮೇಲೆ ಹಲ್ಲೆ ಮಾಡಿದ ಹೇಯ ಘಟನೆ ಬೀದರ್‌ನ ಪಕ್ಕಲವಾಡಿ ಬಡಾವಣೆಯಲ್ಲಿ ನಡೆದಿದೆ. 

ಥಳಿತಕ್ಕೊಳಗಾದ ಮಹಿಳೆಯನ್ನು ಗೋದಾವರಿ ಎಂದು ಗುರುತಿಸಲಾಗಿದ್ದು. ಮಗ ಸಚಿನ್(24) ತಪ್ಪಿಗೆ ತಾಯಿ ಶಿಕ್ಷೆಗೊಳಗಾಗಿದ್ದಾರೆ. 

ಉಂಡಾಡಿ ಗುಂಡನಾಗಿ ಓಡಾಡುತ್ತಿದ್ದ ಸಚಿನ್ ರಾತ್ರಿ ಸಮಯದಲ್ಲಿ ಒಂಟಿ ಮಹಿಳೆಯರಿದ್ದ ಮನೆಯ ಬಾಗಿಲು ಬಡಿಯುತ್ತಿದ್ದ ಮತ್ತು ಓಣಿಯಲ್ಲಿ ಓಡಾಡುತ್ತಿದ್ದ ಹೆಣ್ಣುಮಕ್ಕಳನ್ನು ಕಾಡುತ್ತಿದ್ದ. ಈ ಹಿಂದೆ ಆತನ ಮೇಲೆ ಪೊಲೀಸ್ ಠಾಣೆಯಲ್ಲಿ ದೂರು ಕೂಡ ದಾಖಲಾಗಿತ್ತು.

ಇಂದು ಮುಂಜಾನೆ 5 ಗಂಟೆ ಸುಮಾರಿಗೆ ರೋಸ್ ಮೇರಿ ಎಂಬುವವಳ ಮನೆಗೆ ನುಗ್ಗಲು ಆತ ಪ್ರಯತ್ನಿಸಿದ್ದ. ಇದರಿಂದ ರೊಚ್ಚಿಗೆದ್ದ ರೋಸ್ ಮೇರಿ ಮತ್ತು ನೆರೆಹೊರೆಯವರು ಸಚಿನ್ ತಾಯಿ ಗೋದಾವರಿ ಮನೆಗೆ ಬಂದು ಆಕೆನ್ನು ಎಳೆದಾಡಿ ಥಳಿಸಿ ಮುಖಕ್ಕೆ ನೀವು ಮಗನಿಗೆ ಬುದ್ಧಿ ಹೇಳುವುದಿಲ್ಲವೇಕೆ ಎಂದು ಕಿಡಿಕಾರಿದ್ದಾರೆ. 

ಬೀದರ್ ಮಾರ್ಕೆಟ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.