ನವಜಾತ ಶಿಶುವನ್ನು ಹೂಳ ಹೊರಟ ತಾಯಿ-ಮಾವ

ಆರು ದಿನದ ಶಿಶುವನ್ನು ಸ್ವತಃ ಹೆತ್ತ ತಾಯಿ ಮತ್ತು ಆಕೆಯ ಸಹೋದರ ಸೇರಿ ಜೀವಂತ ಸಮಾಧಿ ಮಾಡಲು ಪ್ರಯತ್ನಿಸಿದ ಹೇಯ ಘಟನೆ ಹೊಸಪೇಟೆಯಲ್ಲಿ ಬೆಳಕಿಗೆ ಬಂದಿದೆ. 

ಆಟೋಚಾಲಕ ರಮೇಶ್ ಎಂಬಾತನ ಸಮಯಪ್ರಜ್ಞೆಯಿಂದ ಮಗು ಬದುಕುಳಿದಿದ್ದು ಬಳ್ಳಾರಿಯ ಬಾಲಮಂದಿರದಲ್ಲಿ ಆಶ್ರಯ ಪಡೆದಿದೆ. 

ಮಲ್ಲಮ್ಮ ಎಂಬ ಮಹಿಳೆಗೆ ಸೆಪ್ಟೆಂಬರ್ 8 ರಂದು ಹೆಣ್ಣು ಶಿಶು ಜನಿಸಿತ್ತು. ಮಗು ಹುಟ್ಟಿದ ಸಂಗತಿಯನ್ನು ಬಹಿರಂಗ ಪಡಿಸದ ಆಕೆ ಮತ್ತು ಸಹೋದರ ಶಿವಪ್ಪ ಅದನ್ನು ಹೂಳಲು ಪ್ರಯತ್ನಿಸಿದ್ದರು. ಇದನ್ನು ಗಮನಿಸಿದ ಆಟೋ ಚಾಲಕ ರಮೇಶ್ ಎಂಬಾತ ಪೊಲೀಸರಿಗೆ ಸುದ್ದಿ ಮುಟ್ಟಿಸಿದ್ದಾನೆ. 

ನಿಷ್ಕರುಣಿ ತಾಯಿ ಮತ್ತು ಆಕೆಯ ಸಹೋದರ ಕೊಪ್ಪಳದ ಕಿನ್ನಾಳ ಗ್ರಾಮದವರೆಂದು ಹೇಳಲಾಗುತ್ತಿದ್ದು ಅನೈತಿಕ ಸಂಬಂಧದಿಂದ ಹುಟ್ಟಿದ ಮಗುವಾಗಿದ್ದರಿಂದ ಅದನ್ನು ಸಾಯಿಸುವ ಪ್ರಯತ್ನ ನಡೆಸಲಾಗಿತ್ತು ಎಂದು ತಿಳಿದು ಬಂದಿದೆ. ಆರೋಪಿಗಳಿಬ್ಬರು ಈಗ ಹೊಸಪೇಟೆ ಪೊಲೀಸರ ವಶದಲ್ಲಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ