ವಿಶ್ವದ 30 ಪ್ರಭಾವಿ ನಾಯಕರುಗಳ ಪಟ್ಟಿಯಲ್ಲಿ ದೇಶದ ಪ್ರಧಾನಿ ನರೇಂದ್ರ ಮೋದಿ ಅವರೂ ಕೂಡ ಸ್ಥಾನ ಪಡೆದಿದ್ದು, ಮೋದಿ ಅವರಲ್ಲೊಬ್ಬರಾಗುವ ಮೂಲಕ ಮತ್ತೊಮ್ಮೆ ಶೈನಿಂಗ್ ಆಗಿದ್ದಾರೆ.
ವಿಶ್ವದ 30 ಪ್ರಭಾವಿ ನಾಯಕರುಗಳ ಈ ಪಟ್ಟಿಯನ್ನು ಟೈಮ್ಸ್ ನಿಯತಕಾಲಿಕೆ ಹೊರತಂದಿದ್ದು, ಭಾರತ ಪ್ರಧಾನಿ ನರೇಂದ್ರ ಮೋದಿಗೆ ಸ್ಥಾನ ಸಿಕ್ಕಿದೆ.
ಸಾಮಾಜಿಕ ಜಾಲತಾಣದಲ್ಲಿ ಪ್ರಧಾನಿ ಮೋದಿ ಅವರಿಗಿರುವ ಜನಪ್ರಿಯತೆ ಹಾಗೂ ಮಾಧ್ಯಮಗಳಲ್ಲಿ ಹೊಂದಿರುವ ಖ್ಯಾತಿಯನ್ನಾಧರಿಸಿ ಈ ಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ ಎಂದು ಟೈಮ್ಸ್ ನಿಯತಕಾಲಿಕೆಯ ನಿರ್ವಹಣಾ ಮಂಡಳಿ ತಿಳಿಸಿದೆ.
ನಿಯತಕಾಲಿಕೆ ಬಿಡುಗಡೆ ಮಾಡಿರುವ ಮಾಹಿತಿ ಪ್ರಕಾರ ಮೋದಿ ಅವರಿಗೆ ಸಾಮಾಜಿಕ ಜಾಲತಾಣಗಳಾದ ಫೇಸ್‌ಬುಕ್ ಹಾಗೂ ಟ್ವಿಟರ್‌ಗಳಲ್ಲಿ ಮೋದಿ ಅವರಿಗೆ ಒಟ್ಟು 38 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಈ ಪಟ್ಟಿಯಲ್ಲಿ ಅಮೆರಿಕಾ ಅದ್ಯಕ್ಷ ಬರಾಕ್ ಒಬಾಮಾ ಅವರಿಗೂ ಕೂಡ ಸ್ಥಾನ ಸಿಕ್ಕಿದ್ದು, ಬರಾಕ್ ಒಬಾಮಾ ಹೊರತುಪಡಿಸಿದರೆ ಮೋದಿಗೆ ಅತಿ ಹೆಚ್ಚಿನ ಫಾಲೋವರ್ಸ್ ಇರುವುದಾಗಿ ನಿಯತಕಾಲಿಕೆ ಪ್ರಕಟಿಸಿದೆ.
ಹ್ಯಾರಿ ಪಾಟರ್ ಸಿರೀಸ್ ಎಂಬ ಶೀರ್ಷಿಕೆ ಅಡಿಯಲ್ಲಿ ಈ ಪಟ್ಟಿಯನ್ನು ಹೊರ ತಂದಿದ್ದು, ಬ್ರಿಟೀಷ್ ಲೇಖಕ ಜೆ.ಕೆ.ರೌವ್‌ಲಿಂಗ್, ಸಿಂಗರ್ ಟೇಲರ್ ಸ್ವಿಫ್ಟ್ ಹಾಗೂ ಬೇಯಾನ್ಸ್ ಕೂಡ ಈ ಪರೀಷ್ಕೃತ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.