ನಿಮ್ಗೆ ರೋಡ್ ಮಾಡಿಕೊಡಲ್ಲ ಏನ್ಮಾಡ್ತೀಯಾ? ಶಾಸಕ ಅಭಯ್ ಚಂದ್ರ ಜೈನ್ ದರ್ಪ

ಮಂಗಳೂರು: ಶಾಲೆಗೆ ಹೋಗುವ ರಸ್ತೆಗೆ ಡಾಮರೀಕರಣ ಮಾಡಿ ಎಂದ ಸ್ಥಳೀಯ ಮಹಿಳೆ ಮೇಲೆ ಶಾಸಕ ಅಭಯ್ ಚಂದ್ರ ಜೈನ್ ದರ್ಪ ತೋರಿದ್ದಾರೆ. ರೋಡ್ ಮಾಡಿಕೊಡಲ್ಲ, ಏನ್ಮಾಡ್ತೀರಾ ಎಂದು ಶಾಸಕ ಜೈನ್ ಮಹಿಳೆ ಮೇಲೆ ರೋಪ್ ಹಾಕಿದ್ದಾರೆ.

ಮಂಗಳೂರಿನ ಗ್ರಾಮವೊಂದರ ಶಾಲೆಗೆ ಹೋಗಲು ರಸ್ತೆ ರಿಪೇರಿ ಮಾಡಿಕೊಡುವಂತೆ ಶಾಸಕರನ್ನು ಕೇಳಿಕೊಂಡ ಮಹಿಳೆಗೆ ತುಳು ಭಾಷೆಯಲ್ಲಿ ಬಾಯಿಗೆ ಬಂದಂತೆ ಮಾತನಾಡಿದ ಶಾಸಕರು, ದರ್ಪ ತೋರಿದ್ದಾರೆ.

ರೋಡ್ ಬೇಕಾ ನಿಂಗೆ? ಮಾಡಲ್ಲ ಏನ್ಮಾಡ್ತೀಯಾ.. ಎಂದು ಏಕವಚನದಲ್ಲಿ ರೋಪ್ ಹಾಕಿದ್ದಾರೆ. ಇದನ್ನು ಮೊಬೈಲ್ ನಲ್ಲಿ ಸ್ಥಳದಲ್ಲಿದ್ದವರು ಚಿತ್ರೀಕರಿಸುತ್ತಿರುವುದನ್ನು ನೋಡಿದ ಶಾಸಕರ ಬೆಂಬಲಿಗರು ಮೊಬೈಲ್ ಕಿತ್ತುಕೊಳ್ಳಲು ಪ್ರಯತ್ನಪಟ್ಟ ಘಟನೆಯೂ ನಡೆಯಿತು. ಹಿಂದೆಯೂ ಒಮ್ಮೆ ಶಾಸಕ ಜೈನ್ ತಮ್ಮ ದುರ್ವರ್ತನೆಯಿಂದ ಸುದ್ದಿಯಾಗಿದ್ದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ