ಮಂತ್ರಿ ಮಾಲ್ ಬೀಗ

ಮಲ್ಲೇಶ್ವರ ಬಳಿಯ ಮಂತ್ರಿ ಮಾಲ್ ಗೆ ತೆರಿಗೆ ಬಾಕಿ ಉಳಿಸಿಕೊಂಡಿರುವ ಹಿನ್ನೆಲೆಯಲ್ಲಿ ಮೂರನೇ ಬಾರಿ ಬಿಬಿಎಂಪಿ ಬೀಗ ಜಡಿದಿದೆ.

ಕಳೆದ 4 ವರ್ಷಗಳಿಂದ 27 ಕೋಟಿ ರೂ.ವನ್ನು ಮಂತ್ರಿ ಮಾಲ್ ಬಾಕಿ ಉಳಿಸಿಕೊಂಡಿದೆ.ಕೆಲವು ತಿಂಗಳ ಹಿಂದೆ ಬೀಗ ಹಾಕಿದಾಗ 4 ಕೋಟಿ ರೂ. ಚೆಕ್ ನೀಡಿ ಶೀಘ್ರವೇ ತೆರಿಗೆ ಬಾಕಿಯನ್ನು ಪಾವತಿಸುವುದಾಗಿ ಮುಚ್ಚಳಿಕೆ ಬರೆದುಕೊಡಲಾಗಿತ್ತು.

ಬಾಂಡ್ ಪೇಪರ್ ಮೇಲೆ ಬಿಬಿಎಂಪಿಗೆ ಮುಚ್ಚಳಿಕೆ ಬರೆದುಕೊಟ್ಟರೂ ತೆರಿಗೆ ಪಾವತಿಸದ ಹಿನ್ನೆಲೆಯಲ್ಲಿ ಬಿಬಿಎಂಪಿ ಅಧಿಕಾರಿಗಳು ಸೋಮವಾರ ಬೆಳಿಗ್ಗೆ ಮತ್ತೊಮ್ಮೆ ಮಂತ್ರಿ ಮಾಲ್ ಗೆ ಬೀಗ ಜಡಿಯಲಾಗಿದ್ದು, ಈ ರೀತಿ ಬೀಗ ಹಾಕುತ್ತಿರುವುದು ಮೂರನೇ ಬಾರಿಯಾಗಿದೆ.