ರವಿಶಂಕರ್ ಗುರೂಜಿ ಅವರ ಆರ್ಟ್ ಆಫ್ ಲೀವಿಂಗ್ ಭೂಒತ್ತುವರಿ ಆರೋಪದ ಸುಳಿಗೆ ಸಿಕ್ಕಿಬಿದ್ದಿದೆ. ತಮಗೆ ಸೇರಿದ ಕೆಂಗೇರಿ ಬಳಿಯಿರುವ ಸರ್ವೆ ನಂ. 71/2ಬಿಯ 11 ಎಕರೆ ಭೂಮಿಯನ್ನು ಆರ್ಟ್ ಆಫ್ ಲೀವಿಂಗ್ ಒತ್ತುವರಿ ಮಾಡಿಕೊಂಡಿದೆ ಎಂದು ಆರತಿಕೃಷ್ಣ ಎಂಬುವರು ಆರೋಪಿಸಿದ್ದಾರೆ.
ಈ ಹಿನ್ನೆಲೆಯಲ್ಲಿ ಬೆಂಗಳೂರು ದಕ್ಷಿಣ ತಹಶೀಲ್ದಾರ್ ಸರ್ವೆ ಕೂಡ ಮಾಡಿದ್ದು, 11 ಎಕರೆ ಭೂಮಿಯನ್ನು ಒತ್ತುವರಿ ಮಾಡಿರುವುದು ದೃಢಪಟ್ಟಿದೆ. ಆರ್ಟ್ ಆಫ್ ಲೀವಿಂಗ್ ಖರೀದಿಸಿದ್ದು 5 ಎಕರೆಯಾದ್ರೂ 11 ಎಕರೆ ಒತ್ತುವರಿಯಾಗಿರುವುದು ಸಂಶಯಕ್ಕೆ ಆಸ್ಪದ ಕಲ್ಪಿಸಿದ್ದು, ಸರ್ವೇ ವರದಿಯಲ್ಲಿ ಮೇಲ್ನೋಟಕ್ಕೆ ಒತ್ತುವರಿಯಾಗಿರುವುದು ಸಾಬೀತಾಗಿದೆ.
ಆರತಿ ಕೃಷ್ಣ ಅವರು ಸಚಿವ ಬೇಗಾನೆ ರಾಮಯ್ಯ ಅವರ ಪುತ್ರಿಯಾಗಿದ್ದು, 11 ಎಕರೆ ಜಮೀನನ್ನು ಆರತಿ ಕೃಷ್ಣ ಪತಿಯಿಂದ ದಾನ ಪಡೆದಿದ್ದರು.