ರಾಜ್ಯಸಭೆ ಚುನಾವಣೆಯಲ್ಲಿ ವೀಕ್ಷಕರಿಗೆ ತೋರಿಸಿ ಮತದಾನ ಮಾಡಬೇಕಿದೆ. ವಿಪ್ ಉಲ್ಲಂಘನೆ ಮಾಡಿದರೆ ಕಾನೂನು ಕ್ರಮ ಕೈಗೊಳ್ಳುತ್ತಾರೆ. ಶಾಸಕನಾಗಿ ನನಗೂ ಕಾನೂನು ತಿಳಿದಿದೆ. ಏನ ಮಾಡ್ತಾರೋ ಮಾಡ್ಲಿ ನೋಡೋಣ ಎಂದು ಜೆಡಿಎಸ್ ಬಂಡಾಯ ಶಾಸಕ ಇಕ್ಬಾಲ್ ಅನ್ಸಾರಿ ಸ್ವಷ್ಟಪಡಿಸಿದ್ದಾರೆ.
ಮತ ಯಾರಿಗೆ ನೀಡಬೇಕಿತ್ತೋ ಅವರಿಗೆ ನೀಡಿರುವೆ ಎಂದು ಜೆಡಿಎಸ್ ಬಂಡಾಯ ಶಾಸಕ ಇಕ್ಬಾಲ್ ಅನ್ಸಾರಿ ಜೆಡಿಎಸ್ ನಾಯಕರಿಗೆ ಟಾಂಗ್ ನೀಡಿದ್ದಾರೆ.
ವಿಧಾನ ಪರಿಷತ್ ಮತದಾನದ ಬಳಿಕ ಮಾಧ್ಯಮದವರೊಂದಿಗೆ ಮಾತನಾಡಿದ ಜೆಡಿಎಸ್ ಬಂಡಾಯ ಶಾಸಕ ಇಕ್ಬಾಲ್ ಅನ್ಸಾರಿ, ಜೆಡಿಎಸ್ ಭಿನ್ನಮತ ಶಮನವಾದ ಕುರಿತು ನನಗೆ ಮಾಹಿತಿ ಇಲ್ಲ. ವಿಧಾನ ಪರಿಷತ್ ಚುನಾವಣೆಯಲ್ಲಿ ಯಾರಿಗೇ ಮತದಾನ ಮಾಡಬೇಕಿತ್ತೋ ಅವರಿಗೆ ಮತದಾನ ಮಾಡಿರುವೆ. ಪಕ್ಷದಿಂದ ನಮಗೆ ವಿಪ್ ಜಾರಿಯಾಗಿದ್ದರೂ ನಮ್ಮ ನಿಲುವು ಬದಲಾಗಿಲ್ಲ ಎಂದು ಹೇಳಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ