ಇನ್‌ವೆಸ್ಟ್ ಕರ್ನಾಟಕ 2016 ಉದ್ಘಾಟನೆಗೊಂಡ ಮೇಲೂ ರೆಡಿಯಾಗದೇ ಮಳಿಗೆಯಲ್ಲಿ ಪೇಂಟಿಂಗ್ ಮಾಡುತ್ತಿದ್ದ ದೃಶ್ಯ ಕಂಡು ಸಿಎಂ ಸಿದ್ದರಾಮಯ್ಯ ಸಿಡಿಮಿಡಿಗೊಂಡರು.
ಆರೋಗ್ಯ ಇಲಾಖೆ ಸ್ಟಾಲ್ ಉದ್ಘಾಟಿಸಲು ಹೋಗಿದ್ದ ಸಿಎಂ ಸ್ಟಾಲ್ ಅಪೂರ್ಣವಾಗಿರುವುದನ್ನು ಕಂಡು ಉದ್ಘಾಟಿಸದೇ ಹಾಗೇ ವಾಪಸು ಬಂದರು. ಸಚಿವ ಖಾದರ್ ಅವರು ಸಿಎಂಗೆ ಆರೋಗ್ಯ ಇಲಾಖೆ ಸ್ಟಾಲ್ ಉದ್ಘಾಟಿಸಬೇಕು ಬನ್ನಿ ಸಾರ್ ಎಂದು ಕರೆದಾಗ ಸಂತೋಷದಿಂದ ಖಾದರ್ ಕೈಹಿಡಿದು ಸ್ಟಾಲ್ ಉದ್ಘಾಟನೆಗೆ ತೆರಳಿದ್ದರು.
ಆದರೆ ಸ್ಟಾಲ್ ಇನ್ನೂ ರೆಡಿಯಾಗಿರದೇ ಸುಣ್ಣ ಬಣ್ಣ ಹೊಡೆಯುತ್ತಿರುವುದನ್ನು ಕಂಡು ಸಿಡಿಮಿಡಿಗೊಂಡರು. ಏನ್ರೀ ಇನ್‌ವೆಸ್ಟ್ ಕರ್ನಾಟಕ ಉದ್ಘಾಟನೆಯಾದ್ರೂ ಸ್ಟಾಲ್ ರೆಡಿಮಾಡಿಲ್ಲವಲ್ಲ ಎಂದು ಸಿಎಂ ಸಿಡಿಮಿಡಿಗೊಂಡರು.
