ಆತ ಒಂದೆರಡು ಪ್ರಕರಣಗಳಿಗೆ ಸಂಬಂಧಿಸಿದಂತೆ ಜೈಲುಪಾಲಾಗಿ ಮತ್ತೆ ಹೊರಗೆ ಬಂದಿದ್ದ. ಆತನನ್ನು ನಂಬಿ ಪತ್ನಿ ಊರು ತೊರೆದು ಬಂದಿದ್ದಳು. ಆದರೆ ಆ ಕಿರಾತಕ ತನ್ನ ಮಕ್ಕಳ ಎದುರಲ್ಲೇ ತನ್ನ ಪತ್ನಿಯನ್ನು ಭೀಕರವಾಗಿ ಕೊಲೆ ಮಾಡಿದ್ದಾನೆ.
ಕಲಬುರಗಿಯ ಹೀರಾಪುರ ಬಡಾವಣೆಯಲ್ಲಿ ಈ ಘಟನೆ ನಡೆದಿದೆ. ಸವಿತಾ(35) ಎಂಬ ಗೃಹಿಣಿಯನ್ನು ಆಕೆಯ ಗಂಡನಾದ ಸಂತೋಷ ಬಮ್ಮಳಗಿ(37) ಕಬ್ಬಿಣದ ಹಾರಿಯಿಂದ ಹೊಡೆದು ಭೀಕರವಾಗಿ ಕೊಲೆ ಮಾಡಿದ್ದಾನೆ.
ಕುಡಿತದ ಚಟ ಹಾಗೂ ಕುಟುಂಬದ ಜಗಳ ವಿಪರೀತವಾಗಿ ಆಗಾಗ್ಗೆ ದಂಪತಿ ನಡುವೆ ಜಗಳವಾಗುತ್ತಿತ್ತು ಎನ್ನಲಾಗಿದೆ. ಮಕ್ಕಳೆದುರಲ್ಲೇ ಪತ್ನಿಯನ್ನು ಕೊಲೆ ಮಾಡಿರುವ ಭೂಪ ಪರಾರಿಯಾಗಿದ್ದಾನೆ. ಕೊಲೆ ಆರೋಪಿ ಬಂಧನಕ್ಕೆ ಪೊಲೀಸರು ಬಲೆ ಬೀಸಿದ್ದಾರೆ.