ಐಟಿ ಕಂಪನಿಯಲ್ಲಿ ದೆವ್ವಗಳ ಕಾಟ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆ

ಬೆಂಗಳೂರಿನ ಪ್ರಸಿದ್ಧ ಐಟಿ ಕಂಪನಿಯಲ್ಲಿ ದೆವ್ವ ಓಡಾಡುತ್ತಿದೆಯಂತೆ. ಕಚೇರಿಯಲ್ಲಿರೋ ವಸ್ತುಗಳೇ ದೆವ್ವಕ್ಕೆ ಆಟಿಕೆಯಾಗಿದೆಯಂತೆ. ಇದು ಐಟಿ ಕಂಪನಿಯಲ್ಲಿ ನಡೆಯುತ್ತಿರುವ ವಿದ್ಯಮಾನವಾಗಿದ್ದು, ಕುರ್ಚಿ ತನ್ನಿಂದ ತಾನೇ ಚಲಿಸುತ್ತದೆ. ಕಂಪ್ಯೂಟರ್‌ಗಳು ತಂತಾನೇ ಆನ್ ಆಗುತ್ತವೆ. ಸಿಬ್ಬಂದಿಗಳೆಲ್ಲಾ ಮನೆಗೆ ಹೋದ ಮೇಲೆ ಈ ದೆವ್ವದ ಆಟ ಶುರುವಾಗುತ್ತದೆ. ಬಾಗಿಲು ತನ್ನಿಂದ ತಾನೇ ದಿಢೀರನೇ ಮುಚ್ಚಿಕೊಳ್ಳುತ್ತದೆ.

ಕಚೇರಿಯಲ್ಲಿರೋ ವಸ್ತುಗಳು ದೆವ್ವಕ್ಕೆ ಆಟಿಕೆಯಾಗಿದೆ. ಪೇಪರ್‌ಗಳು ಲಾಕರ್‌ನಿಂದ ಓಪನ್ ಆಗಿ ಚೆಲ್ಲಾಪಿಲ್ಲಿಯಾಗಿ ಹೊರಗೆ ಬೀಳುತ್ತವೆ.

ಇದರ ಹಿಂದಿನ ಮರ್ಮವೇನು ಎನ್ನುವುದು ಮಾತ್ರ ಗೊತ್ತಾಗಿಲ್ಲ.  ಈ ಭಯಾನಕ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಈ ಘಟನೆ ನಡೆದ 2 ವರ್ಷಗಳ ನಂತರ ಸಿಸಿಟಿವಿ ದೃಶ್ಯಗಳು ಲಭ್ಯವಾಗಿದೆ.  ನಕಲಿ ವಿಡಿಯೋ ಸೃಷ್ಟಿ ಮಾಡಿದ್ದಾರೆಯೇ ಅಥವಾ ನಿಜವಾಗಲೂ ಇದು ದೆವ್ವಗಳ ಕಾಟವೇ ಎನ್ನುವುದು ಮಾತ್ರ ದೇವರಿಗೇ ಗೊತ್ತು.