ಮಾಜಿ ಶಾಸಕ ಕುಮಾರಸ್ವಾಮಿ ಸಂಸಾರಿಕ ಕಲಹ ಮತ್ತೆ ಬೀದಿಗೆ!

ಮೂಡಿಗೆರೆ ಕ್ಷೇತ್ರದ ಮಾಜಿ ಬಿಜೆಪಿ ಶಾಸಕ ಕುಮಾರಸ್ವಾಮಿ ಅವರ ಸಂಸಾರಿಕ ಕಲಹ ಬೀದಿಗೆ ಬಂದಿದ್ದು, ರಾತ್ರೋರಾತ್ರಿ ಅವರ ಪತ್ನಿ ಸವಿತಾ ಬೆಂಗಳೂರಿನ ಎಚ್‌ಎಸ್‌ಆರ್ ಲೇಔಟ್‌ನಲ್ಲಿರುವ ನಿವಾಸದ ಮುಂದೆ ಧರಣಿ ನಡೆಸಿದ್ದಾರೆ.

ಗಂಡನ ಅನೈತಿಕ ಸಂಬಂಧದ ಕುರಿತು ಸವಿತಾ ಅವರು ಪ್ರಶ್ನಿಸಿದ್ದರು. ಇದರಿಂದ ರೊಚ್ಚಿದೆದ್ದ ಮಾಜಿ ಶಾಸಕ ಕುಮಾರಸ್ವಾಮಿ ಅವರು ಈ ಕುರಿತು ಪ್ರಶ್ನೆ ಮಾಡಬೇಡ. ಇರೋ ಹಾಗಿದ್ರೆ ನನ್ನ ಜೊತೆ ಸುಮ್ನೆ ಇದ್ಬಿಡು ಎಂದು ಅವಾಜ್ ಹಾಕಿದ್ದರು. ಈ ವೇಳೆ ಜಗಳ ತಾರಕಕ್ಕೇರಿ ಹಲ್ಲೆನೂ ನಡೆಸಿದ್ರು ಎಂದು ಸವಿತಾ ಆರೋಪಿಸಿದ್ದಾರೆ. 

ಈ ಹಿಂದೆಯೂ ಇವರಿಬ್ಬರ ಸಂಸಾರಿಕ ಕಲಹ ಬೀದಿಗೆ ಬಂದು ದೊಡ್ಡ ರಾಮಾಯಣ ಆಗಿತ್ತು. ಪ್ರಸಕ್ತ ಸಾಲಿನ ಜೂನ್ 24ರಂದು ಸವಿತಾ ವಿಧಾನಸೌಧದ ಪಕ್ಕದಲ್ಲಿರುವ ಶಾಸಕರ ಭವನಕ್ಕೆ ನುಗ್ಗಿ, ತಮ್ಮ ಗಂಡ ಮನೆಗೆ ಬರುತ್ತಿಲ್ಲ ಎಂದು ಆರೋಪಿಸಿದ್ದರು. ಈ ಕುರಿತು ವಿಧಾನಸೌಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ