ಮತ್ತೆ ಕಂಪಿಸಿದ ಭೂಮಿ: ನೇಪಾಳ ಕಾರ್ಯಾಚರಣೆಗೆ ಅಡ್ಡಿ

ಕಳೆದ ಏಪ್ರಿಲ್ 25ರಿಂದ ಸಂಭವಿಸಿದ್ದ ಭೂಕಂಪನದ ಆರ್ಭಟಕ್ಕೆ ತತ್ತರಿಸಿದ್ದ ನೇಪಾಳದಲ್ಲಿ ಇಂದು ಬೆಳಗ್ಗೆ ಕೂಡ ಭೂಮಿ ಕಂಪಿಸಿದ್ದು, ಜನರನ್ನು ಮತ್ತೆ ಭಯಭೀತಗೊಳಿಸಿದೆ.

ಇಂದು ಬೆಳಗ್ಗೆ 6.45ರ ವೇಳೆಯಲ್ಲಿ ಭೂಮಿ ಒಂದು ಬಾರಿ ಕಂಪಿಸಿದ್ದು, ರಿಕ್ಟರ್ ಮಾಪನದಲ್ಲಿ 4.6ರಷ್ಟು ತೀವ್ರತೆ ದಾಖಲಾಗಿದೆ.

ಇನ್ನು ಈ ಹಿಂದೆ ನಡೆದ ಭಯಾನಕ ಭೂಕಂಪದ ಪರಿಣಾಮ ಸಾಕಷ್ಟು ಹಾನಿ ಸಂಭವಿಸಿತ್ತು. ಈ ಹಿನ್ನೆಲೆಯಲ್ಲಿ ಪ್ರಸ್ತುತ ಹಲವು ರಾಷ್ಟ್ರಗಳು ಪರಿಹಾ ಮತ್ತು ರಕ್ಷಣಾ ಕಾರ್ಯಾಚರಣೆಯನ್ನು ಕೈಗೊಂಡಿದ್ದು, ಕಾರ್ಯಾಚರಣೆಗೆ ಮತ್ತಷ್ಟು ಅಡ್ಡಿಯುಂಟಾಗಿದೆ.

ಈ ಹಿಂದೆ ನಡೆದ ಭಯಾನಕ ಭೂಕಂಪನದ ಪರಿಣಾಮ 7000ಕ್ಕೂ ಅಧಿಕ ಮಂದಿ ಸಾರ್ವಜನಿಕರು ಸಾವನ್ನಪ್ಪಿದ್ದು, ಸಾವಿನ ಸಂಖ್ಯೆ 14 ಸಾವಿರಕ್ಕೆ ಏರಿಕೆಯಾಗುವ ಸಾಧ್ಯತೆ ಇದೆ ಎಂದು ಇಲ್ಲಿನ ಅಧಿಕಾರಿಗಳು ಶಂಕೆ ವ್ಯಕ್ತಪಡಿಸಿದ್ದಾರೆ.