ಯಡಿಯೂರಪ್ಪಗೆ ಕಾಂಗ್ರೆಸ್ ತಿರುಗುಬಾಣ: ಸಿಡಿ ಬಿಡುಗಡೆ ಮಾಡಿದ ಉಗ್ರಪ್ಪ

ಕಾಂಗ್ರೆಸ್ ಹೈಕಮಾಂಡ್`ಗೆ ಸಿಎಂ ಸಿದ್ದರಾಮಯ್ಯ ಸಾವಿರ ಕೋಟಿ ರೂಪಾಯಿ ಕಪ್ಪ ನೀಡಿದ್ದಾರೆ ಎಂದು ಆರೋಪಿಸಿದ್ದ ಮಾಜಿ ಸಿಎಂ ಯಡಿಯೂರಪ್ಪ ವಿರುದ್ಧ ಕಾಂಗ್ರೆಸ್ ನಾಯಕರು ಸಿಡಿ ಬಾಣ ಪ್ರಯೋಗಿಸಿದ್ದಾರೆ.

ವಿಧಾನಸೌಧದಲ್ಲಿ ಸುದ್ದಿಗೋಷ್ಠಿ ನಡೆಸಿದ ವಿ.ಎಸ್. ಉಗ್ರಪ್ಪ ಸೀಡಿ ಬಿಡುಗಡೆ ಮಾಡಿದ್ದಾರೆ. ಕೇಂದ್ರ ಸಚಿವ ಅನಂತ್ ಕುಮಾರ್ ಮತ್ತು ಯಡಿಯೂರಪ್ಪ ಕಾರ್ಯಕ್ರಮವೊಂದರಲ್ಲಿ ಚರ್ಚಿಸುತ್ತಿರುವ ಸಿಡಿ ಇದಾಗಿದೆ.

ಕಾಂಗ್ರೆಸ್ ಸರ್ಕಾರವನ್ನ ಉರುಳಿಸಲು ಯಡಿಯೂರಪ್ಪ ಮತ್ತು ಅನಂತ್ ಕುಮಾರ್ ಮಾಡಿರುವ ಪ್ಲಾನಿನ ಸಂಭಾಷಣೆ ಇದರಲ್ಲಿದೆ ಎಂದು ಎಂ.ಬಿ. ಪಾಟೀಲ್ ಆರೋಪಿಸಿದ್ದಾರೆ.

ಸಿಡಿಯಲ್ಲೇನಿದೆ..?
ಬಿಜೆಪಿ ಕಾರ್ಯಕ್ರಮವೊಂದರಲ್ಲಿ ಅಕ್ಕಪಕ್ಕ ಕುಳಿತು ಅನಂತ್ ಕುಮಾರ್ ಮತ್ತು ಯಡಿಯೂರಪ್ಪ ಮಾತನಾಡುತ್ತಿದ್ದು, ಸ್ಟೇಜ್ ಮೈಕ್`ನಲ್ಲಿ ರೆಕಾರ್ಡ್ ಆಗಿದೆ. ಈ ಮಾತುಕತೆಯು ಅಸ್ಪಷ್ಟವಾಗಿದ್ದು, ಸಾವಿರ ಕೋಟಿಯ ಪ್ರಸ್ತಾಪ ಬರುತ್ತೆ. ನಾವೂ ಕೊಟ್ಟಿದ್ದೀವಿ, ನೀವು ಕೊಟ್ಟಿದ್ದೀರ. ಅದನ್ನ ಪುಸ್ತಕದಲ್ಲಿ ಬರೆಯುವ ಅಗತ್ಯ ಏನಿತ್ತು ಎಂಬ ಮಾತುಗಳು ಬಂದು ಹೋಗುತ್ತವೆ. ಚುನಾವಣೆ
ಬರುವವರೆಗೂ ಈ ವಿಷಯ ಜೀವಂತವಾಗಿಡಿ ಎಂಬ ಮಾತುಗಳೂ ಬಂದುಹೋಗುತ್ತವೆ.