ಕೆಪಿಎಸ್ಸಿ ಅಧ್ಯಕ್ಷರಾಗುವ ರೇಸ್ಗೆ ಮತ್ತೊಂದು ಹೆಸರು ಸೇರ್ಪಡೆಯಾಗಿದ್ದು, ಸಯ್ಯದ್ ಅಹ್ಮದ್ ಖಾನ್ ಮೇಲೆ ಮುಖ್ಯಮಂತ್ರಿ ಹೆಚ್ಚಿನ ಒಲವು ತೋರಿದ್ದಾರೆ. ಅಲ್ಪಸಂಖ್ಯಾತರಿಗೆ ಅಧ್ಯಕ್ಷಸ್ಥಾನ ನೀಡಲು ಸಿಎಂ ಒಲವು ತೋರಿರುವ ಹಿನ್ನೆಲೆಯಲ್ಲಿ ಸಯ್ಯದ್ ಅವರು ಅಧ್ಯಕ್ಷಸ್ಥಾನಕ್ಕೆ ಸೂಕ್ತ ವ್ಯಕ್ತಿ ಎಂದು ಸಿಎಂ ಭಾವಿಸಿದ್ದಾರೆ.
ಸಯ್ಯದ್ ವಾಣಿಜ್ಯ ತೆರಿಗೆ ಇಲಾಖೆ ಹೆಚ್ಚುವರಿ ಆಯುಕ್ತರಾಗಿದ್ದು, ಕೇಂದ್ರದ ಮಾಜಿ ಸಚಿವ ರೆಹಮಾನ್ ಖಾನ್ ಅವರ ಹತ್ತಿರದ ಸಂಬಂಧಿಯಾಗಿದ್ದಾರೆ.
ಕೆಪಿಎಸ್ಸಿ ಅಧ್ಯಕ್ಷರ ಹುದ್ದೆಗೆ ಇದುವರೆಗೆ ಮೂವರ ಹೆಸರು ಕೇಳಿಬಂದಿತ್ತು. ಹೈಕಮಾಂಡ್ ಒಪ್ಪಿದರೆ ವಾರದಲ್ಲೇ ನೇಮಕ ಮಾಡುವುದಾಗಿ ಸಿಎಂ ಹೇಳಿದ್ದಾರೆ.