ರಾಮನಗರ ಜಿಲ್ಲೆ ಮಾಗಡಿ ತಾಲೂಕಿನ ಮಾರಸಂದ್ರದಲ್ಲಿ ಚಿರತೆಯೊಂದು ಜನರಿಗೆ ಆತಂಕದ ವಾತಾವರಣ ಸೃಷ್ಟಿಸಿತು. ಬೆಳಿಗ್ಗೆ ಕೋಳಿಫಾರಂ ಮೇಲೆ ಚಿರತೆ ದಾಳಿ ನಡೆಸಿ, ಫಾರಂನಲ್ಲಿದ್ದ 50ಕ್ಕೂ ಹೆಚ್ಚು ಕೋಳಿಗಳನ್ನು ಕೊಂದುಹಾಕಿತ್ತು. ಚಿರತೆ ಇನ್ನಷ್ಟು ಅನಾಹುತ ಮಾಡಬಹುದೆಂಬ ಆತಂಕದ ಛಾಯೆ ಗ್ರಾಮಸ್ಥರಿಗೆ ಕವಿದಿತ್ತು.
ಹೀಗಾಗಿ ಅವರು ಅರಣ್ಯ ಇಲಾಖೆಗೆ ಸುದ್ದಿಮುಟ್ಟಿಸಿದ ಕೂಡಲೇ ಅರಣ್ಯ ಇಲಾಖೆ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಆಪರೇಷನ್ ಚೀಟಾ ಕಾರ್ಯಾಚರಣೆಗೆ ಇಳಿದರು. ಚಿರತೆ ಕೋಳಿಗಳನ್ನು ಕೊಂದು ಹಾಕಿದ ಬಳಿಕ ಹೊರಗೆ ಬಾರದೇ ಒಳಗೇ ಅಡಗಿ ಕುಳಿತಿತ್ತು.
ಅರಣ್ಯಇಲಾಖೆ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಅದಕ್ಕೆ ಅರಿವಳಿಕೆ ಚುಚ್ಚುಮದ್ದು ನೀಡಿ ಪ್ರಜ್ಞೆ ತಪ್ಪಿಸಿದ ನಂತರ ಬೋನಿನಲ್ಲಿ ಸೆರೆಹಿಡಿದರು.
