ಉದ್ಯಮಿ ತಾಯಿ- ಪತ್ನಿ ಬರ್ಬರ ಹತ್ಯೆ

ಹೈಗ್ರೌಂಡ್ಸ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಬರುವ ವಸಂತ ನಗರದ ಕಂಟೋನ್ಮೆಂಟ್ ಪ್ರದೇಶದಲ್ಲಿ ಉದ್ಯಮಿಯೊಬ್ಬರ ಮನೆಯಲ್ಲಿ ಅತ್ತೆ ಮತ್ತು ಸೊಸೆ ಹತ್ಯೆಯಾಗಿದ್ದಾರೆ. 

ಮೃತರನ್ನು ರಾಜಸ್ಥಾನ್ ಮೂಲದ ಸಂಪತ್ ರಾಜ್ ಎಂಬುವವರ ತಾಯಿ ಸಂತೋಷಿ ಬಾಯಿ (60) ಮತ್ತು ಪತ್ನಿ ಲತಾ( 38) ಎಂದು ಗುರುತಿಸಲಾಗಿದೆ. 

ನಗರದ ಬಳೆಪೇಟೆಯಲ್ಲಿ ರಾಸಾಯನಿಕ ವಸ್ತುಗಳ ಅಂಗಡಿಯನ್ನಿಟ್ಟುಕೊಂಡಿರುವ ಸಂಪತ್ ಕುಟುಂಬ ಕಳೆದ 40 ವರ್ಷಗಳಿಂದ ಬೆಂಗಳೂರಿನಲ್ಲಿ ವಾಸವಾಗಿದೆ. ಸೋಮವಾರ ಮುಂಜಾನೆ ಸಂಪತ್ ಕೆಲಸಕ್ಕೆ ಹೋದಾಗ ತಾಯಿ, ಪತ್ನಿ ಇಬ್ಬರೇ ಮನೆಯಲ್ಲಿದ್ದರು. 13 ವರ್ಷದ ಮಗಳು ಕೂಡ ಶಾಲೆಗೆ ಹೋಗಿದ್ದಳು. ಈ ಸಮಯದಲ್ಲಿ ಮನೆಗೆ ಬಂದ ಅಪರಿಚಿತ ದುಷ್ಕರ್ಮಿಗಳು ಅತ್ತೆ- ಸೊಸೆಯನ್ನು ಬರ್ಬರವಾಗಿ ಕೊಲೆಗೈದಿದ್ದಾರೆ. ಆದರೆ ಮನೆಯಲ್ಲಿರುವ ಯಾವ ಮೌಲ್ಯಯುತ ವಸ್ತುವೂ ಕಳ್ಳತನವಾಗಿಲ್ಲ.

ಕೊಲೆಗೆ ನಿಖರ ಕಾರಣ ತಿಳಿದು ಬಂದಿಲ್ಲ. ಪ್ರಕರಣವನ್ನು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆಯನ್ನು ಕೈಗೊಂಡಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ