ಬೆಂಗಳೂರು : ಸಿಎಎ , ಎನ್.ಆರ್.ಸಿ ವಿರೋಧಿಸಿ ಇಂದು ಮಾರ್ಕೆಟ್ ಬಂದ್ ಗೆ ಕರೆ ನೀಡಿದ ಹಿನ್ನಲೆಯಲ್ಲಿ ಇಂದು ಬೆಂಗಳೂರಿನ ಮಾರುಕಟ್ಟೆಗಳಲ್ಲಿ ವ್ಯಾಪಾರ ವಹಿವಾಟು ಬಂದ್ ಮಾಡಲಾಗಿದೆ. ಕಂಟ್ರೋನ್ಮೆಂಟ್ ಪೀಪಲ್ ಫೆಡರೇಶನ್ ವತಿಯಿಂದ ಬಂದ್ ಗೆ ಕರೆ ನೀಡಲಾಗಿದ್ದು, ಈ ಹಿನ್ನಲೆಯಲ್ಲಿ ಬೆಂಗಳೂರಿನ 9 ಮಾರುಕಟ್ಟೆಗಳಲ್ಲಿ ವ್ಯಾಪಾರ ವಹಿವಾಟು ಬಂದ್ ಆಗಿದೆ. ಅಂಗಡಿ-ಮುಂಗಟ್ಟು, ಪುಟ್ ಪಾತ್ ವ್ಯಾಪಾರ ಸಹ ಬಂದ್ ಮಾಡಲಾಗಿದೆ. 5 ಸಾವಿರ ಮಳಿಗೆ ಮಾಲೀಕರು ಬಂದ್ ಗೆ ಬೆಂಬಲ ಸೂಚಿಸಿದ್ದಾರೆ ಎನ್ನಲಾಗಿದೆ.