ರಾಂಗ್ ನಂಬರ್ ಆ ಯುವತಿಗೆ ತಂತು ಆಪತ್ತು!

ಬೆಂಗಳೂರು: ಯಾರಿಗೇ ಕಾಲ್ ಮಾಡುವಾಗ ಎಚ್ಚರವಾಗಿರಿ. ರಾಂಗ್ ನಂಬರ್ ಗೆ ಡಯಲ್ ಮಾಡುವುದರಿಂದ ಏನೆಲ್ಲಾ ಆಪತ್ತು ಬರುತ್ತದೆ ಎನ್ನುವುದಕ್ಕೆ ಈ ಪ್ರಕರಣ ಸಾಕ್ಷಿ.

ಯುವತಿಯೊಬ್ಬಳು ತನ್ನ ಸ್ನೇಹಿತೆಗೆ ಕರೆ ಮಾಡಲು ಹೋಗಿ ತಪ್ಪಾಗಿ ನಂಬರ್ ಡಯಲ್ ಮಾಡಿ ಎಡವಟ್ಟು ಮಾಡಿಕೊಂಡಳು. ಅದು ಇನ್ಯಾವುದೋ ಯುವಕನ ನಂಬರ್ ಆಗಿತ್ತು. ಆದರೆ ಆ ಯುವಕ ಇದನ್ನೇ ನೆಪ ಮಾಡಿಕೊಂಡು ಪದೇ ಪದೇ ಕರೆ ಮಾಡುತ್ತಿದ್ದ.

ಅಲ್ಲದೆ, ಒಂದು ದಿನ ಮಂಚಕ್ಕೇ ಕರೆದ. ಇದರಿಂದ ಸಿಟ್ಟಿಗೆದ್ದ ಯುವತಿ ಬೆಂಗಳೂರು ಪೊಲೀಸರಿಗೆ ದೂರು ನೀಡಿದ್ದಳು. ವಿಚಾರಣೆ ನಡೆಸಿದ ಪೊಲೀಸರು ಕರೆ ಮಾಡಿ ಕಿರುಕುಳ ನೀಡಿದ ಪೀಣ್ಯ ಮೂಲದ ಎನ್. ಶ್ರೀಮಂತ್ ಎಂಬಾತನನ್ನು ಬಂಧಿಸಿದ್ದಾರೆ.  ಹೀಗಾಗಿ ಕರೆ ಮಾಡುವಾಗ ಎಚ್ಚರವಾಗಿರಿ ಮತ್ತು ರಾಂಗ್ ನಂಬರ್ ಕರೆ ಮಾಡಿದ ಮೇಲೆ ಹುಷಾರಾಗಿರಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ