ಹಣ ಸಮೇತ ವ್ಯಾನ್ ಬಿಟ್ಟು ಚಾಲಕ ಪರಾರಿ

ಬೆಂಗಳೂರು: ಮೈಸೂರು ರಸ್ತೆಯ ಬ್ಯಾಂಕ್ ಆಫ್ ಇಂಡಿಯಾ ಶಾಖೆಗೆ ಹಣ ತುಂಬಲು ಹೋಗುತ್ತಿದ್ದಾಗ ಲಕ್ಷಾಂತರ ರೂಪಾಯಿ ಹಣದೊಂದಿಗೆ ವ್ಯಾನ್ ಸಮೇತ ಚಾಲಕ ಪರಾರಿಯಾದ ಘಟನೆ ಮಾಸುವ ಮೊದಲೇ ಮತ್ತೊಂದು ಘಟನೆ ನಡೆದಿದೆ.

ಮಡಿವಾಳದಿಂದ 2 ಎಟಿಎಂಗಳಿಗೆ ಹಣ ತುಂಬಲು ಸುಮಾರು 50 ಲಕ್ಷ ರೂ. ಹಣದ ವ್ಯಾನ್ ಸಾಗಿಸುತ್ತಿದ್ದ ಚಾಲಕ ಹುಸೇನ್ ಇಂತಹದ್ದೇ ಕೃತ್ಯ ಎಸಗಿದ್ದಾನೆ. 20 ಲಕ್ಷ ಹಣದೊಂದಿಗೆ ನಿನ್ನೆ ವ್ಯಾನ್ ಸಮೇತ ಪರಾರಿಯಾಗಿದ್ದ ಚಾಲಕ ಇನ್ನೂ ಪತ್ತೆಯಾಗಿಲ್ಲ. ಆದರೆ ಹಣ ಸಮೇತ ವ್ಯಾನ್ ನ್ನು ಯಮಲೂರು ಬಳಿ ಬಿಟ್ಟು ನಾಪತ್ತೆಯಾಗಿದ್ದಾನೆ.

ಎಚ್ಎಸ್ಆರ್ ಪೊಲೀಸರು ವ್ಯಾನ್ ಪತ್ತೆ ಮಾಡಿ ವಶಕ್ಕೆ ತೆಗೆದುಕೊಂಡಿದ್ದಾರೆ. ಬಹುಶಃ ಪೊಲೀಸರು ಬಂಧಿಸಬಹುದೆಂಬ ಭಯಕ್ಕೆ ಆತ ಹಣವನ್ನು ಬಿಟ್ಟು ಪರಾರಿಯಾಗಿರಬೇಕು ಎನ್ನಲಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ