ಬೆನ್ನಲ್ಲಿ ಸಾಧನೆಯ ಹಚ್ಚೆ, ಎದೆಯ ಮೇಲೆ ಮಲ್ಲಿಕಾರ್ಜುನ ಖರ್ಗೆ ಟ್ಯಾಟೂ

Photo Courtesy X

ಬೆಂಗಳೂರು: ಭಾರತೀಯ ರಾಷ್ಟ್ರೀಯ ಪಕ್ಷದ ಅಧ್ಯಕ್ಷ ಮಲ್ಲಿಕಾರ್ಜುನ ಅವರ ಅಭಿಮಾನಿಯೊಬ್ಬ ಖರ್ಗೆಯವರ ಟ್ಯಾಟೂ ಹಾಗೂ ಅವರ ಸಾಧನೆಗಳ ಪಟ್ಟಿಯನ್ನು ತನ್ನ ಬೆನ್ನಲ್ಲಿ  ಹಚ್ಚೆ ಹಾಕಿಸಿಕೊಂಡು ಅಭಿಮಾನ ಪ್ರದರ್ಶಿಸಿದ್ದಾನೆ.

ಎದೆಯಲ್ಲಿ ಮಲ್ಲಿಕಾರ್ಜುನ, ಪ್ರಿಯಾಂಕ ಖರ್ಗೆ ಅವರ ಮುಖದ ಹಚ್ಚೆ, ತಲೆ ಕೂದಲಿನಲ್ಲಿ ಖರ್ಗೆ ಎಂದು ಹೆಸರು, ಕಾಂಗ್ರೆಸ್ ಪಕ್ಷದ ಚಿಹ್ನೆ, ದೇಹದ ಪೂರ್ತಿ ಖರ್ಗೆ ಸಾಧನೆಗಳ ಪಟ್ಟಿಯನ್ನು ಬರೆಸಿಕೊಂಡಿದ್ದಾನೆ. ಅಭಿಮಾನಿಯನ್ನು ಸಚಿವ ಪ್ರಿಯಾಂಕ ಖರ್ಗೆಯವರು ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ.

ಈ ಬಗ್ಗೆ ಕರ್ನಾಟಕ ಕಾಂಗ್ರೆಸ್ ಎಕ್ಸ್ ಖಾತೆಯಲ್ಲಿ ವಿಡಿಯೋವನ್ನು ಹಂಚಲಾಗಿದೆ.  

ಅದರಲ್ಲಿ ಮುತ್ಸದ್ದಿ ನಾಯಕ, ಕಲ್ಯಾಣ ಕರ್ನಾಟಕದ ಕಲ್ಯಾಣದ ಹರಿಹಾರ, ಎಐಸಿಸಿ ಅಧ್ಯಕ್ಷರಾದ ಶ್ರೀ @kharge
 ಅವರು ತಮ್ಮ ಸಾಧನೆ, ಜನಪರ ಕೆಲಸಗಳಿಂದಲೇ ಮೇರು ನಾಯಕರಾಗಿ ಬೆಳೆದು ನಿಂತಿದ್ದಾರೆ.

ಶೋಷಿತರ ದನಿಯಾಗಿ, ಶಕ್ತಿಯಾಗಿ, ಕಾಂಗ್ರೆಸ್ ಪಕ್ಷದ ಸಾರಥಿಯಾಗಿರುವ ಖರ್ಗೆಯವರ ಅಭಿಮಾನಿಯೊಬ್ಬರು ಅವರ ಸಾಧನೆಗಳ ಪಟ್ಟಿಯನ್ನೇ ಮೈಯಲ್ಲಿ ಹಚ್ಚೆ ಹಾಕಿಸಿಕೊಂಡಿದ್ದಾರೆ.

ಇವರ ಅಭಿಮಾನಕ್ಕೆ ಶರಣು.<>