ಮಾಡಲ್ ಮೇಲೆ ನಡೀತು ಲೈಂಗಿಕ ದೌರ್ಜನ್ಯ

ರಾತ್ರಿಯಾದರೆ ಹೆಣ್ಮಕ್ಕಳು ಸೇಫ್ ಅಲ್ಲ ಎಂಬುದಕ್ಕೆ ಪೂರಕವಾಗುವಂತೆ ಚಿತ್ರನಟಿ, ಮಾಡಲ್ ಮೇಲೆ ನಿನ್ನೆ ತಡರಾತ್ರಿ ಲೈಂಗಿಕ ದೌರ್ಜನ್ಯ ನಡೆದಿದೆ. ಒಬ್ಬಂಟಿ ಯುವತಿಯರು‌ ಹಾಗೂ ಮಹಿಳೆಯರಿಗೆ ಕಾಮುಕರ ಕಾಟ ಹೆಚ್ಚಾಗುತ್ತಿದೆ ಎಂಬುದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ. ಟ್ಯಾಕ್ಸಿ ಚಾಲಕನಿಂದ ಅಸಭ್ಯ ವರ್ತನೆ ನಡೆದಿದ್ದು, ಟ್ಯಾಕ್ಸಿ ಚಾಲಕನ ಜೊತೆ ಕಂಪನಿಯ ಮೇಲೂ ನಟಿ ದೂರು ದಾಖಲಿಸಿದ್ದಾರೆ. ರಾತ್ರಿ 10-30ರ ಸಮಯದಲ್ಲಿ ಜಕ್ಕೂರಿನಿಂದ ಬಾಬು ಸಾಬ್ ಪಾಳ್ಯಕ್ಕೆ ರ್ಯಾಪಿಡೋ ಟ್ಯಾಕ್ಸಿ ಬುಕ್ ಮಾಡಿದ್ದ ನಟಿಯ ಜೊತೆ ಅಸಭ್ಯ ವರ್ತನೆ ಮಾಡಿದ್ದ ಚಾಲಕ. ಕೆಎ 51 ಹೆಚ್ 5965 ನಂಬರ್​ನ ಮಂಜುನಾಥ್ ತಿಪ್ಪೇಸ್ವಾಮಿ ಚಾಲಕನ ವಿರುದ್ಧ ಹೆಣ್ಣೂರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.