ಗದಗದಲ್ಲಿ ಕೋಳಿ ಕಳ್ಳನೊಬ್ಬನನ್ನು ಕೊಂದ ಎಂಟು ಮಂದಿ ಅಪರಾಧಿಗಳಿಗೆ ಜೀವಾವಧಿ ಶಿಕ್ಷೆಯನ್ನು ಕೋರ್ಟ್ ವಿಧಿಸಿದೆ. ಗದಗ ಜಿಲ್ಲಾ ಸತ್ರ ನ್ಯಾಯಾಲಯ ಈ ಆದೇಶ ನೀಡಿದೆ. ಇವನು ಲಕ್ಷಾಂತರ ರೂ. ಹಣ ಲಪಟಾಯಿಸಿ ಸಿಕ್ಕಬೀಳಲಿಲ್ಲ. ಪಕ್ಕದ ಮನೆಯ ಕೋಳಿಯನ್ನು ಬೇರೆ ಕಡೆ ಬಚ್ಚಿಟ್ಟಿದ್ದ.
ಈ ವಿಷಯ ನೆರೆಯವರಿಗೆ ಹೇಗೋ ತಿಳಿದು ಅವನನ್ನು ಹಿಡಿದು ಪ್ರಶ್ನಿಸಿದಾಗ ವಿಷಯವನ್ನು ಬಹಿರಂಗ ಮಾಡಿದ. ಅಷ್ಟಕ್ಕೇ ಕೋಳಿಕಳ್ಳ ದುರ್ಗಪ್ಪನ್ನು ಸುಮ್ಮನೇ ಬಿಡದೇ ಸುಮಾರು 8 ಮಂದಿಯ ತಂಡ ಅವನನ್ನು ಮನ ಬಂದಂತೆ ದೊಣ್ಣೆಗಳಿಂದ ಹಲ್ಲೆ ಮಾಡಿದರು.
ತೀವ್ರ ಗಾಯಗೊಂಡ ದುರ್ಗಪ್ಪ ಕ್ಷುಲ್ಲಕ ಕಾರಣಕ್ಕಾಗಿ ಪ್ರಾಣವನ್ನೇ ತೆತ್ತ. ರೋಣದ ನರೇಗಲ್ ಠಾಣೆಯಲ್ಲಿ ಈ ಪ್ರಕರಣ ದಾಖಲಾಗಿದ್ದು, ಇವತ್ತು ನ್ಯಾಯಾಲಯಕ್ಕೆ ಅವರನ್ನು ಕರೆತರಲಾಗಿತ್ತು. ಕೊಲೆ ಮಾಡಿದ್ದನ್ನು ಒಪ್ಪಿಕೊಂಡ 8 ಜನರಿಗೆ ಜೀವಾವಧಿ ಶಿಕ್ಷೆಯನ್ನು ನ್ಯಾಯಾಲಯ ವಿಧಿಸಿದೆ.
