6 ಐಎಎಸ್ ಅಧಿಕಾರಿಗಳ ರಕ್ಷಣೆಗೆ ಸರ್ಕಾರ ಹೊರಟಿದೆ: ಹಿರೇಮಠ್ ಆರೋಪ
, ಶನಿವಾರ, 15 ಫೆಬ್ರವರಿ 2014 (14:21 IST)
ಬೆಂಗಳೂರು: ಅಕ್ರಮ ಗಣಿಗಾರಿಕೆ ಬಗ್ಗೆ , ಲೋಕಾಯುಕ್ತ ವರದಿ ಬಗ್ಗೆ ಸರ್ಕಾರ ಕ್ರಮ ಕೈಗೊಂಡಿಲ್ಲ ಎಂದು ಸಮಾಜಪರಿವರ್ತನೆ ಸಂಘಟನೆ ಅಧ್ಯಕ್ಷ ಎಸ್.ಆರ್. ಹಿರೇಮಠ್ ಬೆಂಗಳೂರಿನಲ್ಲಿ ಆರೋಪಿಸಿದರು. 6 ಐಎಎಸ್ ಅಧಿಕಾರಿಗಳ ವಿರುದ್ದ ಲೋಕಾಯುಕ್ತ ವರದಿ ಬಂದರೂ ಸರ್ಕಾರ ಯಾವುದೇ ಕ್ರಮ ಕೈಗೊಂಡಿಲ್ಲ. ಶಿವಲಿಂಗ ಮೂರ್ತಿ, ಉಮೇಶ್ ಮಹೇಂದ್ರ ಜೈನ್, ಪೆರುಮಾಳ್ ಸೇರಿ 6 ಅಧಿಕಾರಿಗಳ ರಕ್ಷಣೆಗೆ ಸರ್ಕಾರ ಹೊರಟಿದೆ ಎಂದು ಹಿರೇಮಠ್ ಹೇಳಿದರು. ರಿಲಯನ್ಸ್ ವಿರುದ್ಧ ಭ್ರಷ್ಟಾಚಾರ ಆರೋಪ ಕುರಿತು ವೀರಪ್ಪ ಮೊಯ್ಲಿ ವಿರುದ್ಧ ಕೂಡ ಹಿರೇಮಠ್ ವಾಗ್ದಾಳಿ ಮಾಡಿದರು. ಜೈಪಾಲ್ ರೆಡ್ಡಿ ಉತ್ತಮ ಸಚಿವರಾಗಿದ್ದರು. ರಿಲಯನ್ಸ್ ಕಂಪನಿಯನ್ನು ಹತ್ತಿರ ಬಿಟ್ಟುಕೊಂಡಿರಲಿಲ್ಲ ಎಂದು ಹಿರೇಮಠ್ ಹೇಳಿದರು.
