ಮೈಸೂರು ಹಾಗೂ ಮಹಾರಾಷ್ಟ್ರದ ಶಿರಡಿ ಮಾರ್ಗವಾಗಿ ಚಲಿಸುತ್ತಿದ್ದ ರೈಲೊಂದಕ್ಕೆ ನುಗ್ಗಿದ 30 ಮಂದಿ ಕಳ್ಳರಿದ್ದ ತಂಡವೊಂದು ಪ್ರಯಾಣಿಕರಿಂದ ಬಂಗಾರ, ಹಣ ಸೇರಿದಂತೆ ಇನ್ನಿತರೆಗಳ ಬೆಲೆ ಬಾಳುವ ವಸ್ತುಗಳನ್ನು ದೋಚಿದ್ದಾರೆ.
ಹೌದು, ಈ ಘಟನೆಯು ಮಹಾರಾಷ್ಟ್ರದ ಬಾಲಾಪುರ ಸಮೀಪ ಜರುಗಿದ್ದು, 30 ಮಂದಿ ಇದ್ದ ಲೂಟಿಕೋರರ ತಂಡ ರೈಲಿನ 14 ಬೋಗಿಗಳಿಗೆ ನುಗ್ಗಿ ಪ್ರಯಾಣಿಕರಿಂದ ಬಂಗಾರ ಹಾಗೂ ನಗದು ಹಣವನ್ನು ದೋಚಿ ಪರಾರಿಯಾಗಿದ್ದಾರೆ. ಕಳ್ಳರು ಪೂರ್ವ ಯೋಜನೆ ರೂಪಿಸಿಕೊಂಡೇ ಈ ಕೃತ್ಯ ಎಸಗಿದ್ದಾರೆ ಎನ್ನಲಾಗಿದೆ,.
ಇನ್ನು ಘಟನೆ ಪರಿಣಾಮ ಚಲಿಸಬೇಕಿದ್ದ ರೈಲು 5 ಗಂಟೆಗೂ ಹೆಚ್ಚು ಕಾಲ ಸಂಚಾರ ಸ್ಥಗಿತಗೊಳಿಸಿತ್ತು ಎನ್ನಲಾಗಿದ್ದು, ಪ್ರಯಾಣಿಕರು ಇಲ್ಲಿನ ಬಾಲಾಪುರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರಿಸಿದ್ದು, ಕಳ್ಳರ ಬಂಧನಕ್ಕೆ ಬಲೆ ಬೀಸಿದ್ದಾರೆ.