ಬೆಳೆಹಾನಿ ಪರಿಹಾರವಾಗಿ ರೈತರ ಅಕೌಂಟಿಗೆ ಬಿತ್ತು 1 ರೂಪಾಯಿ..!?

ಬೆಳೆಹಾನಿ ಪರಿಹಾರವಾಗಿ ರೈತರ ಅಕೌಂಟಿಗೆ ಕೇವಲ 1 ರೂ. ಜಮೆಯಾಗಿರುವ ಪ್ರಕರಣ ಹಾಸನ ಮತ್ತು ಬಾಗಲಕೋಟೆಯಿಂದ ವರದಿಯಾಗಿದೆ.

ಬೆಳೆ ಹಾನಿ ಪರಿಹಾರಕ್ಕಾಗಿ ಕಂದಾಯ ಇಲಾಖೆಗೆ ಅರ್ಜಿ ಸಲ್ಲಿಸಿದ್ದ ಹಾಸನ ಅರಕಲಗೂಡು ತಾಲೂಕಿನ 10 ರೈತರ ಅಕೌಂಟಿಗೆ 1 ರೂ. ಬೆಳೆಹಾನಿಯ ಹಣ ಡೆಪಾಸಿಟ್ ಆಗಿರುವ ಬಗ್ಗೆ ವರದಿಯಾಗಿದೆ. ಬೆಳವಾಡಿ ಎಸ್`ಬಿಎಂ ಬ್ಯಾಂಕ್ ಅಕೌಂಟಿಗೆ 1 ರೂ. ಹಣ ಜಮೆಯಾಗಿದ್ದು, ಸಾವಿರಾರು ನಿರೀಕ್ಷೆಯಲ್ಲಿದ್ದ ರೈತರಿಗೆ ನಿರಾಸೆಯಾಗಿದೆ.

ಇತ್ತ, ಬಾಗಲಕೋಟೆಯ ಹುನಗುಂದ ತಾಲೂಕಿನ ಸೋಲಾಪುರ ರೈತ ಸುರೇಶ್ ಎಂಬುವವರಿಗೂ ಇದೇ ಅನುಭವವಾಗಿದೆ. ರೈತ ಸುರೇಶ್`ಗೆ 10,800 ರೂ. ಬೆಳೆ ಹಾನಿ ಪರಿಹಾರ ಬರಬೇಕಿತ್ತು. ಆದರೆ, ಬ್ಯಾಂಕ್`ಗೆ ಹೋಗಿ ಪರಿಶೀಲಿಸಿದಾಗ ಡೆಪಾಸಿಟ್ ಆಗಿರುವುದು ಕೇವಲ 1 ರೂಪಾಯಿ. ಬಳಿಕ ರೈತ ತಹಸೀಲ್ದಾರ್ ಅವರನ್ನ ಸಂಪರ್ಕಿಸಿದ್ದು, ತಾಂತ್ರಿಕದೋಷದಿಂದ ಈ ರೀತಿಯಾಗಿದ್ದು, ಸರಿಪಡಿಸಿ ಪರಿಹಾರ ನೀಡುವುದಾಗಿ ಭರವಸೆ ನೀಡಿದ್ದಾರೆ.

ವೆಬ್ ದುನಿಯಾ ಫ್ಯಾಂಟಸಿ ಕ್ರಿಕೆಟ್ ಲೀಗ್: ಆಡಿ 2.5 ಲಕ್ಷ ರೂ. ಮೌಲ್ಯದ ಬಹುಮಾನ ಗೆಲ್ಲಿ.. ವೆಬ್ ದುನಿಯಾ ಫ್ಯಾಂಟಸಿ ಲೀಗ್`ನಲ್ಲಿ ಭಾಗವಹಿಸಲು ಈ ಲಿಂಕ್ ಕ್ಲಿಕ್ ಮಾಡಿ..

http://kannada.fantasycricket.webdunia.com/