ಶಾಸಕರ ವಿದೇಶ ಪ್ರವಾಸದ ಅಧ್ಯಯನ ಮಾರ್ಗಸೂಚಿಗೆ ಚಿಂತನೆ

PR

PR

ಬೆಂಗಳೂರು: ವಿದೇಶಕ್ಕೆ ಅಧ್ಯಯನ ಪ್ರವಾಸಕ್ಕೆಂದು ತೆರಳಿ ಮೋಜು ಮಸ್ತಿ ಮಾಡುವ ಶಾಸಕರ ಬಗ್ಗೆ ಮಾಧ್ಯಮಗಳಲ್ಲಿ ತೀವ್ರ ಟೀಕೆ ಕೇಳಿಬಂದ ಬಳಿಕ ಸರ್ಕಾರಕ್ಕೆ ಜ್ಞಾನೋದಯವಾಗಿದೆ. ವಿದೇಶ ಪ್ರವಾಸದ ಬಗ್ಗೆ ಅಧ್ಯಯನ ಮಾರ್ಗಸೂಚಿ ರಚಿಸಲು ಸರ್ಕಾರದಲ್ಲಿ ಚಿಂತನೆ ನಡೆಸಲಾಗಿದೆ. ವಿಧಾನಮಂಡಳದ ವಿಶೇಷ ಮಂಡಳಿ ಸಭೆಯನ್ನು ಜನವರಿ 1 ಮತ್ತು 2ರಂದು ನಡೆಸಲು ನಿರ್ಧರಿಸಲಾಗಿದೆ. ಸಭಾಪತಿ ಡಿ.ಎಚ್.ಶಂಕರಮೂರ್ತಿ, ಸಿಎಂ ಸಿದ್ದರಾಮಯ್ಯ, ಡಾ.ಜಿ.ಪರಮೇಶ್ವರ್ ಸೇರಿ ಹಲವು ಮುಖಂಡರು ಭಾಗಿಯಾಗಲಿದ್ದಾರೆ.

ಬೆಂಗಳೂರಿನ ಕೆಪಿಸಿಸಿ ಕಚೇರಿಯಲ್ಲಿ ಸಿದ್ದರಾಮಯ್ಯ ನೇತೃತ್ವದಲ್ಲಿ ಈ ಕುರಿತು ಚರ್ಚಿಸಲು ಸಭೆ ನಡೆಯಿತು. ಶಾಸಕರ ವಿದೇಶ ಪ್ರವಾಸದ ಉದ್ದೇಶ, ಅಧ್ಯಯನ ಸಂಬಂಧ ಮಾರ್ಗಸೂಚಿ ರಚಿಸಲು ಚಿಂತನೆ ನಡೆಸಲಾಯಿತು. ಸಭೆಯಲ್ಲಿ ಸ್ಪೀಕರ್ ಕಾಗೋಡು, ಶಂಕರಮೂರ್ತಿ, ಸಚಿವ ಟಿ.ಬಿ. ಜಯಚಂದ್ರ ಭಾಗಿಯಾಗಿದ್ದರು.