ಮನೆಯ ಅಂಗಳದಲ್ಲಿ ಪಾಪು ಪತ್ನಿಯ ಅಂತ್ಯಕ್ರಿಯೆ ವಿರುದ್ಧ ದೂರು

PR

PR

ಅಕ್ಟೋಬರ್ 2 2013ರಂದು ನಾಡೋಜ ಪಾಟೀಲ್ ಪುಟ್ಟಪ್ಪನವರ ಧರ್ಮಪತ್ನಿ ಇಂದುಮತಿ ನಿಧನರಾದರು. ಪುಟ್ಟಪ್ಪನವರಿಗೆ ತಮ್ಮ ಬಾಳ ಸಂಗಾತಿಯ ಸಾವನ್ನು ಸಹಿಸಲು ಸಾಧ್ಯವಾಗಿರಲಿಲ್ಲ.ಆದ್ದರಿಂದ ಪತ್ನಿಯ ಅಂತ್ಯಸಂಸ್ಕಾರವನ್ನು ಮನೆಯ ಅಂಗಳದಲ್ಲೇ ಮಾಡಲು ಅನುಮತಿ ನೀಡುವಂತೆ ಮಹಾನಗರಪಾಲಿಕೆಗೆ ಅರ್ಜಿ ಸಲ್ಲಿಸಿದ ನಂತರ ಮನೆಯ ಅಂಗಳದಲ್ಲಿ ಪತ್ನಿಯ ಅಂತ್ಯಸಂಸ್ಕಾರ ನೆರವೇರಿಸಿದ್ದರು. ಪಾಟೀಲ ಪುಟ್ಟಪ್ಪನವರ ಅಕ್ಕಪಕ್ಕದ ನಿವಾಸಿಗಳು ಮನೆಯಂಗಳದಲ್ಲಿ ಅವರ ಪತ್ನಿಯ ಅಂತ್ಯಸಂಸ್ಕಾರವನ್ನು ಮಾಡುವುದಕ್ಕೆ ವಿರೋಧಿಸಿದ್ದರು.

ಇದರಿಂದ ತಮಗೆ, ತಮ್ಮ ಮಕ್ಕಳಿಗೆ ಮಾನಸಿಕವಾಗಿ ಭಯವಾಗುತ್ತದೆಂಬ ಭಾವನೆಯನ್ನು ಅವರು ವ್ಯಕ್ತಪಡಿಸಿದ್ದರು. ಈಗ ಅಕ್ಕಪಕ್ಕದ ನಿವಾಸಿಗಳು ಹೈಕೋರ್ಟ್‌ಗೆ ದೂರು ಸಲ್ಲಿಸಿದ್ದಾರೆ. ಕೋರ್ಟ್ ತೀರ್ಪು ಪಾಟೀಲ ಪುಟ್ಟಪ್ಪನವರ ಪರವಾಗಿ ಬರುತ್ತದೆಯೇ ಅಥವಾ ವಿರೋಧವಾಗಿ ಬರುತ್ತದೆಯೇ ಕಾದು ನೋಡಬೇಕು.