ಕೋಲಾರ: ಈ ಬಾರಿ ಯುಗಾದಿ ಸಂದರ್ಭದಲ್ಲೇ ಚುನಾವಣೆ ಹತ್ತಿರ ಬಂದಿರುವುದರಿಂದ ಕೋಲಾರದ ಶ್ರೀನಿವಾಸಪುರದಲ್ಲಿ ವಿವಿಧ ಪಕ್ಷಗಳ ಅಭ್ಯರ್ಥಿಗಳು ಇದನ್ನು ಎನ್‌ಕ್ಯಾಶ್ ಮಾಡಲು ಪ್ರಯತ್ನಿಸುತ್ತಿದ್ದಾರೆ. ಮತದಾರರನ್ನು ತಮ್ಮತ್ತ ಸೆಳೆಯಲು ಪ್ರಯತ್ನಿಸುವ ಅಭ್ಯರ್ಥಿಗಳು, ಹಬ್ಬದ ಮುನ್ನಾ ದಿನದಲ್ಲಿ ನಡೆದ ಸಂತೆಯಲ್ಲಿ ಬಂದ ಕುರಿಗಳನ್ನು ಅವರ ಬೆಂಬಲಿಗರು ಹೋಲ್‌ಸೇಲ್ ದರಗಳಲ್ಲಿ ಖರೀದಿಸುವ ಮೂಲಕ ಕುರಿಗಳನ್ನು ಖರೀದಿಸಲು ಬಂದ ಗ್ರಾಮಸ್ಥರಿಗೆ ನಿರಾಶೆವುಂಟು ಮಾಡಿದ್ದಾರೆ. ಕುರಿಗಳ ರೇಟ್ ಕೇಳಿ ಗಾಬರಿಯಾದ ಗ್ರಾಮಸ್ಥರು ಕುರಿಗಳನ್ನು ಖರೀದಿಸದೇ ನಿರಾಶೆಯಿಂದ ಹಿಂತಿರುಗಿದ್ದಾರೆ. ಆದರೆ ಕುರಿಗಳ ಮಾರಾಟಕ್ಕೆ ಬಂದಿದ್ದ ಗ್ರಾಮಸ್ಥರು ಮಾತ್ರ ಜೇಬು ತುಂಬಿಸಿಕೊಂಡು ಖುಷಿಯಿಂದ ಹಿಂತಿರುಗಿದ್ದಾರೆ.
ಈ ಕುರಿಗಳನ್ನು ಯುಗಾದಿಯ ಮರುದಿನ ಭರ್ಜರಿ ಬಾಡೂಟ ಏರ್ಪಡಿಸುವ ಮೂಲಕ ವಿವಿಧ ಪಕ್ಷಗಳ ಮುಖಂಡರು ಮತದಾರರನ್ನು ತಮ್ಮತ್ತ ಸೆಳೆಯುವುದಕ್ಕೆ ಕಸರತ್ತು ನಡೆಸಿದ್ದಾರೆ.