ಮೈಸೂರು: ಮಗುವಿನ ಮೈಮೇಲೆ ಸಿಗರೇಟಿನಿಂದ ಸುಟ್ಟು ಚಿತ್ರಹಿಂಸೆ ಮಾಡಿದ ಆರೋಪದ ಮೇಲೆ ಮಗುವಿನ ತಾಯಿ ಕವಿತಾ ಹಾಗೂ ಪ್ರಿಯಕರ ಹನುಮಂತುವನ್ನು ಪೊಲೀಸರು ಬಂಧಿಸಿದ್ದಾರೆ. ಮಗುವಿಗೆ ಸುಟ್ಟಿರುವುದಾಗಿ ಹನುಮಂತು ತಪ್ಪೊಪ್ಪಿಕೊಂಡಿದ್ದಾನೆ. . ಕವಿತಾಗೆ ಪುಟ್ಟಸ್ವಾಮಿ ಎಂಬವರ ಜತೆ ಐದು ವರ್ಷದ ಹಿಂದೆ ಮದುವೆಯಾಗಿತ್ತು. ಪುಟ್ಟಸ್ವಾಮಿ ಕವಿತಾಳನ್ನು ಬಿಟ್ಟು ಹೋದ ಬಳಿಕ ಕವಿತಾ ತಲಘಟ್ಟಪುರಕ್ಕೆ ಬಂದು ಗಾರ್ಮೆಂಟ್ಸ್‌ನಲ್ಲಿ ಕೆಲಸ ಮಾಡುತ್ತಿದ್ದಳು. ಈ ಸಂದರ್ಭದಲ್ಲಿ ಹನುಮಂತು ಎಂಬವನ ಸ್ನೇಹವನ್ನು ಕವಿತಾ ಮಾಡಿದ್ದಳು.
ಎರಡು ಮಕ್ಕಳಿರುವುದು ಅಡ್ಡಿಯಾಗುವುದರಿಂದ ಗಂಡು ಮಗುವನ್ನು ಒಬ್ಬರ ಬಳಿ ಮತ್ತು ಹೆಣ್ಣು ಮಗುವನ್ನು ಚಿಕ್ಕತಾಯಮ್ಮನ ಬಳಿ ಕೊಡುವುದಾಗಿ ಹನುಮಂತು ಹೇಳಿದ್ದ. ಮಗುವನ್ನು ಕೊಡುವುದಕ್ಕೆ ಹಿಂದಿನ ದಿನ ರಾತ್ರಿ ಮಗು ವಿಪರೀತ ಅಳುತ್ತಿರುವುದನ್ನು ಕಂಡು ಆಕ್ರೋಶ ಗೊಂಡ ಹನುಮಂತು ಸಿಗರೇಟಿನಿಂದ ಮಗುವಿನ ಮೈಮೇಲೆ, ಗುಪ್ತಾಂಗದ ಮೇಲೆ ಸುಟ್ಟಿದ್ದಾನೆಂದು ಆರೋಪಿಸಲಾಗಿದೆ.