ಮಂಡ್ಯ:ಲೋಕಸಭೆ ಚುನಾವಣೆ ನಂತರ ರಮ್ಯಾ ಮಂಡ್ಯದಲ್ಲಿ ವಾಸ್ತು ಸರಿಹೊಂದುವ ಮನೆಗಾಗಿ ಹುಡುಕುತ್ತಿದ್ದಾರೆ. ಐದಾರು ಮನೆಗಳನ್ನು ನೋಡಿದ್ರೂ ವಾಸ್ತು ಸರಿಯಿಲ್ಲವೆಂದು ರಮ್ಯಾ ಒಪ್ಪಿಕೊಳ್ಳುತ್ತಿಲ್ಲ. ಬಂದೀಗೌಡ ಬಡಾವಣೆ ಸೇರಿದಂತೆ ಹಲವಾರು ಕಡೆ ಹುಡುಕಾಟ ನಡೆಸಿದ್ದಾರೆ.
ನಗರದಲ್ಲೆಡೆ ಹುಡುಕಿದ್ರೂ ಸೂಕ್ತ ಮನೆ ಸಿಗ್ತಿಲ್ಲ ಎನ್ನಲಾಗಿದೆ. ಮನೆಯಲ್ಲಿ ಬದಲಾವಣೆ ಮಾಡಲು ಮನೆ ಮಾಲೀಕರು ಯಾರೂ ಒಪ್ತಿಲ್ಲ. ರಮ್ಯಾ ಅವರಿಗೆ ಸೂಕ್ತವಾದ ಮನೆ ಮಂಡ್ಯದಲ್ಲಿ ಇದೆಯೇ ಇಲ್ಲವೇ ಎನ್ನುವುದು ದೊಡ್ಡ ಪ್ರಶ್ನೆಯಾಗಿದೆ. ರಮ್ಯಾಗೆ ಮಂಡ್ಯದಲ್ಲಿ ತಂಗುವುದಕ್ಕೆ ಇಷ್ಟವಿಲ್ಲದೇ ನೋಡಿದ ಮನೆಗಳಿಗೆಲ್ಲ ವಾಸ್ತುಸರಿಯಿಲ್ಲವೆಂದು ಹೇಳುತ್ತಿದ್ದಾರೆಯೇ ಎನ್ನುವ ಅನುಮಾನವೂ ಆವರಿಸಿದೆ.