ಮಂಗಳೂರು: ಮಂಗಳೂರಿನ ಕೊಟ್ಟಾರದಲ್ಲಿರುವ ಇನ್ಫೋಸಿಸ್ ಕಚೇರಿಗೆ ಬಾಂಬ್ ಬೆದರಿಕೆ ಕರೆ ಬಂದಿದೆ. ಇನ್ಫೋಸಿಸ್ ಬಹುಮಹಡಿ ಕಟ್ಟಡಕ್ಕೆ ಲ್ಯಾಂಡ್‌ಲೈನ್‌ನಿಂದ ಕರೆ ಬಂದಿತು. ಇದರಿಂದ ಒಳಗಿದ್ದ ಎಲ್ಲ ಸಿಬ್ಬಂದಿಯನ್ನು ಕೂಡಲೇ ತೆರವುಗೊಳಿಸಲಾಯಿತು. ಪೊಲೀಸ್ ಶ್ವಾನದಳ ಆಗಮಿಸಿ ಬಾಂಬ್‌ಗಾಗಿ ಹುಡುಕಾಡಿದರೂ ಯಾವುದೇ ಬಾಂಬ್ ಪತ್ತೆಯಾಗಿರಲಿಲ್ಲ.
ಶೋಧ ಕಾರ್ಯ ಬಹುತೇಕ ಮುಕ್ತಾಯವಾಗಿದ್ದು ಯಾವುದೇ ಅನುಮಾನಾಸ್ಪದ ವಸ್ತು ಪತ್ತೆಯಾಗಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ. ಮೈಸೂರಿನ ಪ್ರಧಾನ ಅಂಚೆ ಕಚೇರಿಗೂ ಇಂದು ಬಾಂಬ್ ಬೆದರಿಕೆ ಕರೆಗಳು ಬಂದವು. ಈ ಕರೆಯನ್ನು ಕೂಡ ಹುಸಿ ಬಾಂಬ್ ಕರೆ ಎಂದು ನಂತರ ಪರಿಗಣಿಸಲಾಯಿತು.