ನಾಳೆ ಡಿಕೆಶಿ, ರೋಷನ್ ಬೇಗ್ ಜತೆ ಪರಮೇಶ್ವರ್ ಪ್ರಮಾಣ ವಚನ?
, ಮಂಗಳವಾರ, 31 ಡಿಸೆಂಬರ್ 2013 (14:48 IST)
ಬೆಂಗಳೂರು: ಡಿಕೆಶಿ ಮತ್ತು ರೋಷನ್ ಬೇಗ್ ಅವರ ಪ್ರಮಾಣವಚನಕ್ಕೆ ನಾಳೆ ಮುಹೂರ್ತ ನಿಗದಿಯಾಗಿರುವ ನಡುವೆ ನಾಳೆ ಪರಮೇಶ್ವರ್ ಕೂಡ ಸಚಿವ ಸಂಪುಟಕ್ಕೆ ಸೇರ್ಪಡೆಯಾಗುವ ಸಾಧ್ಯತೆಯಿದೆಯೆಂದು ಹೇಳಲಾಗುತ್ತಿದೆ. ಕೆಪಿಸಿಸಿ ಅಧ್ಯಕ್ಷರಾಗಿರುವ ಪರಮೇಶ್ವರ್ ತಮ್ಮ ಮುಂದಿನ ರಾಜಕೀಯ ಭವಿಷ್ಯವೇನು, ತಮ್ಮ ಅಧ್ಯಕ್ಷ ಸ್ಥಾನದ ಅವಧಿ ಕೂಡ ಮುಗಿದುಹೋಗುತ್ತದೆ ಎಂದು ಸೋನಿಯಾ ಅವರಲ್ಲಿ ಅಸಮಾಧಾನ ತೋಡಿಕೊಂಡಿದ್ದರು. ಕಾಂಗ್ರೆಸ್ ಪಕ್ಷ ಅಧಿಕಾರಕ್ಕೆ ಬರೋದಕ್ಕೆ ಪರಮೇಶ್ವರ್ ಕೊಡುಗೆ ಕೂಡ ಇದೆ ಎಂದು ಹೇಳಲಾಗುತ್ತಿದೆ. ಕಾಂಗ್ರೆಸ್ ಪಕ್ಷದ ಬಲವರ್ಧನೆಯಲ್ಲಿ ತಾವು ಹೆಚ್ಚು ಮುಳುಗಿದ್ದರಿಂದ, ತಮ್ಮ ಕ್ಷೇತ್ರಕ್ಕೆ ಹೆಚ್ಚಿನ ಗಮನಕೊಡಲಾಗದೇ ತಾವು ಚುನಾವಣೆಯಲ್ಲಿ ಸೋತಿದ್ದಾಗಿ ಪರಮೇಶ್ವರ್ ಸಮಜಾಯಿಷಿ ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಪರಮೇಶ್ವರ್ ಸೋನಿಯಾ ಅವರಲ್ಲಿ ಮನವಿ ಮಾಡಿಕೊಂಡ ನಂತರ ಹೈಕಮಾಂಡ್ ಪರಮೇಶ್ವರ್ ಅವರ ಸೇರ್ಪಡೆಗೆ ಸಮ್ಮತಿ ನೀಡಿದೆಯೆಂದು ತಿಳಿದುಬಂದಿದೆ.
