ಬೆಂಗಳೂರು: ಕುಂಬಳಗೋಡಿನಲ್ಲಿರುವ ಸ್ಯಾಟಲೈಟ್ ಕ್ಲಬ್ ಮೇಲೆ ನಿನ್ನೆ ರಾತ್ರಿ 11.30ಕ್ಕೆ ದರೋಡೆಕೋರರು ದಾಳಿ ನಡೆಸಿ 7 ಲಕ್ಷ ರೂ. ನಗದು, 250 ಗ್ರಾಂ ಚಿನ್ನಾಭರಣ ದೋಚಿ ಪರಾರಿಯಾಗಿದ್ದಾರೆ. 10-12 ಜನ ಮುಸುಕುಧಾರಿಗಳು ಕೈಯಲ್ಲಿ ಮಚ್ಚು ಮತ್ತು ಲಾಂಗ್ಗಳನ್ನು ಹಿಡಿದು ಬಂದಿದ್ದು, ತಮ್ಮ ಕೈಯಲ್ಲಿದ್ದ ಮಾರಕಾಸ್ತ್ರಗಳಿಂದ ಬೆದರಿಸಿ ಹಣ ದೋಚಿದ್ದಾರೆ. ಕ್ಯಾಶಿಯರ್ ಪ್ರಭಾಕರ್ ಎಂಬವರಿಗೆ ಮಚ್ಚು ತೋರಿಸಿ ಬೆದರಿಸಿ ಎಲ್ಲ ಹಣವನ್ನು ಕೊಡುವಂತೆ ಬೆದರಿಕೆ ಹಾಕಿದರು. ಕ್ಲಬ್ನಲ್ಲಿದ್ದ ವಸ್ತುಗಳನ್ನು ಮತ್ತು ಗಾಜನ್ನು ಪುಡಿ ಪುಡಿ ಮಾಡಿದ್ದು, ದರೋಡೆಕೋರರು ಪರಾರಿಯಾಗಿದ್ದಾರೆ.
ಯುಗಾದಿ ಹಬ್ಬದ ದಿನ ಕ್ಲಬ್ ಎಂದಿನಂತೆ 11 ಗಂಟೆಗೆ ಮುಚ್ಚದೇ 11.30ಕ್ಕೆ ತಡವಾಗಿ ಮುಚ್ಚಿದ್ದು, ದರೋಡೆಕೋರರಿಗೆ ಅನುಕೂಲವಾಯಿತು. ಇನ್ನೇನು ಕ್ಲಬ್ ಮುಚ್ಚುವುದಕ್ಕೆ ಸಿದ್ಥತೆ ನಡೆಸುತ್ತಿದ್ದಾಗ ಏಕಾಏಕಿ ಡಕಾಯಿತರು ನುಗ್ಗಿ ಕ್ಲಬ್ನಲ್ಲಿದ್ದ ವಸ್ತುಗಳನ್ನು, ಗಾಜುಗಳನ್ನು ಪುಡಿಪುಡಿ ಮಾಡಿ ಕ್ಯಾಶಿಯರ್ಗೆ ಮಾರಕಾಸ್ತ್ರಗಳಿಂದ ಬೆದರಿಸಿ ನಗದು ಹಣ,ಚಿನ್ನಾಭರಣ ದೋಚಿ ಪರಾರಿಯಾಗಿದ್ದಾರೆ. ಪೊಲೀಸರು ತನಿಖೆ ನಡೆಸುತ್ತಿದ್ದು, ಆರೋಪಿಗಳಿಗೆ ಶೋಧ ನಡೆಸಿದ್ದಾರೆ.