ಮಲ್ಲೇನಹಳ್ಳಿ ಗ್ರಾಮಸ್ಥರಿಂದ ಮತದಾನ ಬಹಿಷ್ಕಾರ

PR

PR

ಕನಕಪುರ: ಕನಕಪುರ ತಾಲೂಕಿನ ಮಲ್ಲೇನಹಳ್ಳಿ ಗ್ರಾಮದಲ್ಲಿ ಜನಪ್ರತಿನಿಧಿಗಳ ವಿರುದ್ಧ ಮತದಾರರು ಆಕ್ರೋಶಗೊಂಡು ಲೋಕಸಭೆ ಉಪಚುನಾವಣೆಯಲ್ಲಿ ಮತದಾನವನ್ನು ಬಹಿಷ್ಕರಿಸಿದ್ದಾರೆ. ಈ ಕುರಿತು ಗ್ರಾಮಸ್ಥರೊಬ್ಬರನ್ನು ವಿಚಾರಿಸಿದಾಗ, ನಮ್ಮ ಹಳ್ಳೀಲಿ ರೋಡಿಲ್ಲ, ಬಸ್ಸಿಲ್ಲ, ನೀರು ಸೌಕರ್ಯವಿಲ್ಲ. ಇವೆಲ್ಲ ಸಮಸ್ಯೆ ಬಗೆಹರಿಸುವ ತನಕ ಮತದಾನ ಮಾಡೋಲ್ಲ ಎಂದು ಬಹಿಷ್ಕಾರ ಹಾಕಿದ್ದಾರೆ.

ಮತದಾನ ಮಾಡುವುದಕ್ಕೆ ಊರಿನಲ್ಲಿ ಮತಗಟ್ಟೆ ಕೂಡ ಇಲ್ಲ. 2 ಕಿಮೀ ದೂರ ನಡೆದುಹೋಗಬೇಕು. ಊರಿಗೆ ಬಸ್ಸಿನ ಸಂಚಾರವಿಲ್ಲ. ಬಸ್ ಹತ್ತುವುದಕ್ಕೆ ಸುಮಾರು 3 ಕಿಮೀ ದೂರ ನಡೆಯಬೇಕು. ಊರಿಗೆ ಸರಿಯಾಗಿ ನೀರಿನ ಸೌಕರ್ಯವಿಲ್ಲ. ಕೆರೆ ಬತ್ತಿಹೋಗಿವೆ. ಇವುಗಳ ವಿರುದ್ಧ ಪ್ರತಿಭಟಿಸಲು ಮತದಾನ ಬಹಿಷ್ಕಾರಕ್ಕೆ ನಿರ್ಧರಿಸಿದ್ದಾರೆ.