ಬೆಂಗಳೂರು: ಪ್ರಜ್ವಲ್ ದೇವರಾಜ್ ಸಿನಿಮಾವೊಂದು ಹಲವು ದಿನಗಳ ನಂತರ ಬಿಡುಗಡೆಯಾಗುತ್ತಿದೆ. ನಾಳೆ ಪ್ರಜ್ವಲ್ ಮತ್ತು ಶೃತಿ ಹರಿಹರನ್ ಅಭಿನಯದ ಮಾದ ಮತ್ತು ಮಾನಸಿ ಚಿತ್ರ ರಾಜ್ಯಾದ್ಯಂತ ತೆರೆ ಕಾಣಲಿದೆ. ಇದರ ಜತೆಗೆ ಮಂಡ್ಯದ ಹುಡುಗರು ಎಂಬ ಹೊಸಬರ ಚಿತ್ರವೂ ಬಿಡುಗಡೆಯಾಗಲಿದೆ.
ಸತೀಶ್ ಪ್ರಧಾನ್ ನಿರ್ದೇಶನದ ಮಾದ ಮತ್ತು ಮಾನಸಿಯಲ್ಲಿ ಚಿತ್ರದಲ್ಲಿ ಮನೋಮೂರ್ತಿ ಸಂಗೀತವೇ ಹೈಲೈಟ್. ಈಗಾಗಲೇ ಹಾಡುಗಳು ಸೂಪರ್ ಹಿಟ್ ಆಗಿವೆ. ಮನೋಮೂರ್ತಿ ನಿರ್ಮಾಣದಲ್ಲಿ ಮೂಡಿಬಂದಿರುವ ಚಿತ್ರವಿದು.
ಕಾಮಿಡಿ, ಆಕ್ಷನ್, ಸೆಂಟಿಮೆಂಟ್ ಎಲ್ಲವೂ ಸಿನಿಮಾದಲ್ಲಿದೆ. ಈಗಾಗಲೇ ದರ್ಶನ್ ಸಿನಿಮಾಗೆ ನಾಯಕಿಯಾಗಿ ಆಯ್ಕೆಯಾಗಿರುವ ಶೃತಿಗೆ ಈ ಸಿನಿಮಾ ನಿಜಕ್ಕೂ ಟರ್ನಿಂಗ್ ಪಾಯಿಂಟ್ ಎನ್ನುವುದು ಚಿತ್ರ ತಂಡದ ಮಾತು.
ಇನ್ನೊಂದು ಹೊಸಬರ ಚಿತ್ರ ಮಂಡ್ಯದ ಹುಡುಗರು. ಶ್ರೀನಿವಾಸ್ ಜೆ.ಜೆ. ಇದರ ನಿರ್ದೇಶನ, ನಿರ್ಮಾಣ, ಕತೆ ಎಲ್ಲಾ ಜವಾಬ್ದಾರಿಯನ್ನೂ ಹೊತ್ತುಕೊಂಡಿದ್ದಾರೆ. ರಾಂ ಸಾಗರ್ ಮತ್ತು ಆಶಿಕಾ ಮುಖ್ಯ ಪಾತ್ರದಲ್ಲಿದ್ದಾರೆ. ಇದೊಂದು ಹಾರರ್ ಥ್ರಿಲ್ಲರ್ ಸಿನಿಮಾ ಎಂದು ಚಿತ್ರತಂಡ ಹೇಳಿಕೊಂಡಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ