ರವಿಚಂದ್ರನ್.. ಕನ್ನಡ ಚಿತ್ರರಂಗದ ಕನಸುಗಾರ. ಸಿನಿಮಾ ಬಿಟ್ಟರೆ ನನಗೇನು ಗೊತ್ತಿಲ್ಲ ಎನ್ನುವ ರವಿಚಂದ್ರನ್ ಅಷ್ಟು ಶ್ರದ್ಧೆಯಿಂದ ಸಿನಿಮಾ ಮೇಕಿಂಗ್`ನಲ್ಲಿ ತೊಡಗುತ್ತಾರೆ. ಆಕ್ಟಿಂಗ್ ಡೈರೆಕ್ಟಿಂಗ್, ಮ್ಯೂಸಿಕ್ ಹೀಗೆ ಎಲ್ಲ ವಿಭಾಗದಲ್ಲೂ ರವಿಚಂದ್ರನ್ ಸೈ ಎನಿಸಿಕೊಂಡಿದ್ದಾರೆ.
ಬಾಲಿವುಡ್, ಟಾಲಿವುಡ್ ಚಿತ್ರರಂಗವನ್ನ ಸ್ಯಾಂಡಲ್ ವುಡ್`ನತ್ತ ನೋಡುವಂತೆ ಮಾಡಿದ್ದ ಕಲೆಗಾರ. ಇಂತಹ ಮಹಾನ್ ಕಲಾವಿದನ ಮೇಲೆ ಅದೊಂದು ದಿನ ಅತ್ಯಾಚಾರದ ಆರೋಪ ಕೇಳಿಬಂದಿತ್ತು. ಆ ಕಹಿದಿನಗಳ ಬಗ್ಗೆ ಸೂಪರ್ ಟಾಮ್ ಟೈಮ್ ಕಾರ್ಯಕ್ರಮದಲ್ಲಿ ಸ್ವತಃ ರವಿಚಂದ್ರನ್ ಹೇಳಿಕೊಂಡಿದ್ದಾರೆ.
ಹಳ್ಳಿಮೇಷ್ಟ್ರು ಚಿತ್ರದಲ್ಲಿ ನಟಿಸಿದ್ದ ನಟಿ ಬಿಂದಿಯಾ ಚಿತ್ರೀಕರಣದ ಸಂದರ್ಭ ಸಿಬ್ಬಂದಿ ಜೊತೆ ಜಗಳ ಕಾದಿದ್ದು ಸಾಲವೆಂಬಂತೆ ಮುಂಬೈಗೆ ತೆರಳಿ ರವಿಚಂದ್ರನ್ ಮೇಲೆ ಅತ್ಯಾಚಾರದ ಆರೋಪ ಮಾಡಿದ್ದರು. ಮೈಸೂರು ಹೋಟೆಲ್`ವೊಂದರಲ್ಲಿ ರಾತ್ರಿ 12 ಗಂಟೆ ವೇಳೆ ರವಿಚಂದ್ರನ್ ಅತ್ಯಾಚಾರಕ್ಕೆ ಯತ್ನಿಸಿದ್ದರು ಎಂದು ಮುಂಬೈ ಮ್ಯಾಗಜಿನ್ ಒಂದಕ್ಕೆ ನೀಡಿದ್ದ ಸಂದರ್ಶನದಲ್ಲಿ ಹೇಳಿದ್ದರು.
ಇದರಿಂದ ನೋವುಂಡ ರವಿಚಂದ್ರನ್ ಅತ್ಯಾಚಾರ ಸಾಬೀತು ಮಾಡೆಂದು ನಟಿ ಸೇರಿ ಐವರ ವಿರುದ್ಧ ಮಾನಹಾನಿ ಕೇಸ್ ದಾಖಲಿಸಿದರು. ಬೆಂಗಳೂರಿಗೆ ಬಂದ ನಟಿ ನಾನು ಆ ರೀತಿಯ ಹೇಳಿಕೆ ನೀಡಿಯೇ ಎಲ್ಲ ಎಂದು ಕ್ಷಮೆ ಕೋರಿದರಂತೆ. ಆದರೆ, ವಿನಾಕಾರಣ ಆರೋಪ ಮಾಡಿದ್ದಕ್ಕಾಗಿ ಒಂದು ದಿನವಾದರೂ ಜೈಲಿನಲ್ಲಿರಬೇಕೆಂದು ರವಿಚಂದ್ರನ್ ಆಕೆಯನ್ನ ಜೈಲಿಗಟ್ಟಿದ್ದರಂತೆ.