ಟೈಗರ್ ಪ್ರಭಾಕರ್ ಅವರ ಮಗ ವಿನೋದ್ ಪ್ರಭಾಕರ್ ಅಪ್ಪನನ್ನೇ ಹೋಲುವ ಮಗ. ಅಂದಿನ ಟೈಗರ್ ಪ್ರಭಾಕರ್ ಇಂದು ಮಗನ ರೂಪದಲ್ಲಿ ಕಾಣಿಸುತ್ತಿದ್ದಾರೆ. ಈ ಕಾರಣದಿಂದ ವಿನೋದ್ ನಟಿಸುತ್ತಿರುವ ಹೊಚ್ಚ ಹೊಸ ಚಿತ್ರಕ್ಕೆ ಇದೆ ಹೆಸರು ನೀಡಲಾಗಿದೆ. ಸಿಂಹಾದ್ರಿ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ರಮೇಶ್ ಕಶ್ಯಪ್ ನಿರ್ಮಿಸುತ್ತಿರುವ 'ಮರಿಟೈಗರ್ ಚಿತ್ರದ ಹೆಸರು. ಇದರ ಅಂತಿಮ ಹಂತದ ಚಿತ್ರೀಕರಣ ಮೇ ತಿಂಗಳ ಕೊನೆಗೆ ಆರಂಭವಾಗಲಿದೆ.ಪಿ.ಎನ್.ಸತ್ಯ ನಿರ್ದೇಶನದ ಈ ಚಿತ್ರಕ್ಕೆ ಅಜಯಕುಮಾರ್ ಕಥೆ, ಚಿತ್ರಕಥೆ ಬರೆದಿದ್ದಾರೆ. ರಾಕ್ ರವಿ ಈ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ.
ಜೈಆನಂದ್ ಛಾಯಾಗ್ರಹಣ, ಕೆ.ಎಂ.ಪ್ರಕಾಶ್ ಸಂಕಲನ ಹಾಗೂ ಈಶ್ವರಿಕುಮಾರ್ ಕಲಾನಿರ್ದೇಶನವಿರುವ ಈ ಚಿತ್ರದ ಹಾಡುಗಳನ್ನು ನಾಗೇಂದ್ರಪ್ರಸಾದ್, ಕವಿರಾಜ್ ಮುಂತಾದವರು ಬರೆದಿದ್ದಾರೆ. ಕಮಲಸಾರಥಿ ತಂಗಾಳಿ ನಾಗರಾಜ್ ಚಿತ್ರಕ್ಕೆ ಸಂಭಾಷಣೆಯನ್ನೂ ಮತ್ತು ಹಾಡನ್ನು ಸಹ ಬರೆದಿದ್ದಾರೆ.ವಿನೋದ್ ಪ್ರಭಾಕರ್ , ತೇಜು ಜೊತೆಯಲ್ಲಿ ರಾಜು ತಾಳಿಕೋಟೆ, ಬುಲೆಟ್ ಪ್ರಕಾಶ್, ಭರತ್ ಮುಂತಾದವರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ .