ನಟ ಸೂರ್ಯ ಅವರಿಗೆಂದು ತಯಾರು ಮಾಡಿದ ಕಥೆಯಲ್ಲಿ ವಿಕ್ರಮ್ ನಟಿಸಲು ಸಿದ್ಧರಾಗುತ್ತಿದ್ದಾರೆ ಎನ್ನುವುದು ಈಗ ತಿಳಿದು ಬಂದ ಸಂಗತಿಯಾಗಿದೆ. ಅಂಜಾನ್ ಚಿತ್ರದಲ್ಲಿ ನಟಿಸುವ ಮೊದಲು ಸೂರ್ಯ ಗೌತಮ್ ಮೆನನ್ ಚಿತ್ರದಲ್ಲಿ ನಟಿಸುತ್ತಾರೆ ಎಂದು ನಿರ್ಧಾರವಾಗಿತ್ತು, ಗೌತಮ್ ಮೆನನ್ ತಯಾರು ಮಾಡಿದ ಕಥೆ ತಮಗೆ ಇಷ್ಟ ಆಗಲಿಲ್ಲ ಎಂದು ಹೇಳಿ ಸೂರ್ಯ ಆ ಪ್ರಾಜಕ್ಟ್ ನಿಂದ ಹೊರ ಬಂದರು.
ಆ ಬಳಿಕ ಸೂರ್ಯ ನಿರ್ದೇಶಕ ಲಿಂಗುಸ್ವಾಮಿ ಅವರ ಅಂಜಾನ್ ಚಿತ್ರದಲ್ಲಿ ನಟಿಸಿದರು. ಅದೇರೀತಿ ಗೌತಮ್ ಅವರು ಅಜಿತ್ ಹೀರೋ ಆಗಿರುವ ಎನ್ನೈ ಅರಿಂದಾಲ್ ಸಿನಿಮಾ ಮಾಡಿದರು. ಗೌತಮ್ ಮೆನನ್ ಈಗ ಶಿಂಬು ಹೀರೋ ಆಗಿರುವ ಮಡಮಯಡಾ ಚಿತ್ರವನ್ನು ಮಾಡುತ್ತಿದ್ದಾರೆ. ಈಗ ನಿರ್ಮಾಣದಲ್ಲಿರುವ ಚಿತ್ರವನ್ನು ಪೂರ್ಣ ಮಾಡಿದ ಬಳಿಕ ಗೌತಮ್ ಅವರು ವಿಕ್ರಮ್ ಅಭಿನಯದ ಚಿತ್ರವನ್ನು ನಿರ್ದೇಶನ ಮಾಡಲಿದ್ದಾರೆ.
ಆದರೆ ಇದು ಸೂರ್ಯಾಗೆಂದು ಸಿದ್ಧ ಮಾಡಿದ ಕಥೆಯಾಗಿದ್ದು, ಈಗ ಅದನ್ನು ಅಲ್ಪಸ್ವಲ್ಪ ಬದಲಾವಣೆ ಮಾಡಲಾಗಿದೆ ಎನ್ನುವ ಸಂಗತಿ ಹೊರ ಬಂದಿದೆ.ವಿಕ್ರಮ್ ಈ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯ ಪಾತ್ರಧಾರಿಯಾಗಿ ನಟಿಸುತ್ತಿದ್ದಾರೆ. ಸೂರ್ಯ ಅವರಿಗಾಗಿ ಸಿದ್ಧ ಮಾಡಿದ ಕಥೆಯಲ್ಲಿ ವಿಕ್ರಮ್ ಅವರಿಗೆಂದು ಬದಲಾವಣೆಗಳನ್ನು ಮಾಡಲಾಗಿದೆ. ಈ ಚಿತ್ರದ ಮೂಲಕ ವಿಕ್ರಮ್ ಭಿನ್ನ ರೂಪದಲ್ಲಿ ಅವರ ಅಭಿಮಾನಿಗಳ ಮುಂದೆ ಬರಲಿದ್ದಾರೆ.
