ಈ ಸಂಗೀತ ನಿರ್ದೇಶಕನ ಸಂಭಾವನೆ ಎಷ್ಟು ಗೊತ್ತಾ?

ಟಾಲಿವುಡ್ ಮತ್ತು ಕೋಲಿವುಡ್ ನಲ್ಲಿ ರಾಕ್ ಸ್ಟಾರ್ ಎಂದೇ ಕರೆಸಿಕೊಂಡಿರುವ ಸಂಗೀತ ನಿರ್ದೇಶಕ ದೇವಿಶ್ರೀ ಪ್ರಸಾದ್. ವಿಶೇಷವಾಗಿ ಇವರ ಇತ್ತೀಚಿನ ಚಿತ್ರ ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ ಖೈದಿ ನಂಬರ್ 150 ಚಿತ್ರದ ಹಾಡುಗಳು ಯಾವ ಮಟ್ಟದಲ್ಲಿ ಹಿಟ್ ಆಗಿವೆ ಎಂದು ಹೇಳಬೇಕಾಗಿಲ್ಲ. 

ಮ್ಯೂಜಿಕ್ ಜೊತೆಗೆ ಮ್ಯಾಜಿಕ್ ಮಾಡುವ ಕಲೆ ಈ ಸಂಗೀತ ನಿರ್ದೇಶಕನಿಗೆ ಸಿದ್ದಿಸಿದ ಕಲೆ. ಇಷ್ಟೆಲ್ಲಾ ಪ್ರತಿಭೆ ಇರುವ ದೇವಿಶ್ರೀ ಪ್ರಸಾದ್ ಅವರ ಸಂಭಾವನೆ ಎಷ್ಟಿರಬಹುದು ಎಂಬುದು ಈಗ ಕುತೂಹಲದ ಪ್ರಶ್ನೆಯಾಗಿದೆ. ಸಾಮಾನ್ಯವಾಗಿ ಹೀರೋ ಅಥವಾ ಹೀರೋಯಿನ್ ಸಂಭಾವನೆ ಬಗ್ಗೆ ಚರ್ಚೆಗಳು ನಡೆಯುತ್ತಿರುತ್ತವೆ. ಮ್ಯೂಸಿಕ್ ಡೈರೆಕ್ಟರ್ ಬಗ್ಗೆ ಯಾರೂ ಅಷ್ಟಾಗಿ ತಲೆಕೆಡಿಸಿಕೊಳ್ಳಲ್ಲ.

ಮೂಲಗಳ ಪ್ರಕಾರ ದೇವಿಶ್ರೀ ಪ್ರಸಾದ್ ಸಿನಿಮಾ ಒಂದಕ್ಕೆ ಬರೋಬ್ಬರಿ ರೂ.2.5 ಕೋತಿ ಎಣಿಸುತ್ತಾರಂತೆ. ತುಂಬಾ ಆತ್ಮೀಯರಾದರೆ ಅಬ್ಬಬ್ಬಾ ಎಂದರೆ  25 ಲಕ್ಷ ಕಡಿಮೆ ಮಾಡಿಕೊಳ್ಳಬಹುದು. ಗಾಯಕರಿಗೆ, ಗೀತಸಾಹಿತಿಗಳಿಗೆ, ರೆಕಾರ್ಡಿಂಗ್ ಖರ್ಚು ಪ್ರತ್ಯೇಕ. ಅಂದರೆ ದೇವಿಶ್ರೀ ಸಂಗೀತ ಬೇಕು ಎಂದರೆ ಹೆಚ್ಚು ಕಡಿಮೆ ಮೂರು ಕೋಟಿ ಕೊಡಬೇಕು. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.