ಬಾಹುಬಲಿ 2 ಇನ್ನೊಂದು ಪೋಸ್ಟರ್ ರಿಲೀಸ್ ಆಯ್ತು

ಎಸ್ ಎಸ್ ರಾಜಮೌಳಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಭಾರಿ ಬಜೆಟ್ ಚಿತ್ರ ಬಾಹುಬಲಿ 2. ಈ ಚಿತ್ರಕ್ಕೆ ಸಂಬಂಧಿಸಿ ಫಸ್ಟ್ ಲುಕ್ ಫೋಟೋ ಒಂದು ಈಗಾಗಲೆ ರಿಲೀಸ್ ಆಗಿದೆ. ಇದೀಗ ಆ ಚಿತ್ರದ ಪ್ರಮುಖ ಪಾತ್ರ ಬಲ್ಲಾಲದೇವನ ಫಸ್ಟ್ ಲುಕ್ ಬಿಡುಗಡೆಯಾಗಿದೆ. 

ಈ ಹಿಂದೆ ಬಾಹುಬಲಿ ಪಾತ್ರಧಾರಿ ಪ್ರಭಾಸ್ ಅವರ ಪೋಸ್ಟರನ್ನು ಅವರ ಹುಟ್ಟುಹಬ್ಬದ ದಿನ ಬಿಡುಗಡೆ ಮಾಡಿದ್ದರು ರಾಜಮೌಳಿ. ಇದೀಗ ’ಬಲ್ಲಾದದೇವ’ ರಾಣಾ ದಗ್ಗುಬಾಟಿ ಹುಟ್ಟುಹಬ್ಬಕ್ಕೆ ಇನ್ನೊಂದು ಪೋಸ್ಟರ್ ರಿಲೀಸ್ ಮಾಡಿದ್ದಾರೆ. 

"ಹುಟ್ಟಡಗಿಸಲು ಬಲಶಾಲಿ ಬಾಹುಬಲ್ಲಿ ಹೊರಗೆ ಬಂದ" ಎಂಬರ್ಥದೊಂದಿಗೆ ಈ ಪೋಸ್ಟರನ್ನು ರಾಜಮೌಳಿ ಟ್ವಿಟ್ಟರ್‌ನಲ್ಲಿ ಬಿಡುಗಡೆ ಮಾಡಿದ್ದಾರೆ. ಬಾಹುಬಲಿ ಚಿತ್ರದಲ್ಲಿ ರಾಣಾ ದಗ್ಗುಬಾಟಿ ವಿಲನ್ ಪಾತ್ರ ಪೋಷಿಸುತ್ತಿದ್ದಾರೆ. ಉಳಿದ ಪಾತ್ರವರ್ಗದಲ್ಲಿ ಪ್ರಭಾಸ್, ಅನುಷ್ಕಾ, ತಮನ್ನಾ ಸಹ ಇದ್ದಾರೆ.

ಬರುವ ವರ್ಷ ಏಪ್ರಿಲ್ 28ಕ್ಕೆ ಈ ಚಿತ್ರವನ್ನು ಪ್ರೇಕ್ಷಕರ ಮುಂದೆ ತರಲು ಚಿತ್ರತಂಡ ಪ್ರಯತ್ನಿಸುತ್ತಿದೆ. ಈಗಾಗಲೆ ಬಿಡುಗಡೆಯಾಗಿರುವ ಬಾಹುಬಲಿ ಮೊದಲ ಭಾಗ ಇಡೀ ಭಾರತೀಯ ಚಿತ್ರೋದ್ಯಮದನ್ನೇ ಸೆಳೆದಿತ್ತು. ಭರ್ಜರಿ ಕಲೆಕ್ಷನ್ ಸಹ ಮಾಡಿದ ಚಿತ್ರ. ಇದೀಗ ಪಾರ್ಟ್ 2 ಬಗ್ಗೆಯೂ ಎಲ್ಲಿಲ್ಲದ ಕುತೂಹಲ ಮೂಡಿದೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.